Cally - 香港綠色建築週2024揭幕 規模及參與人數創新高 | 商界講呢啲

　　喺過去嘅星期六，Cally參加咗「香港綠色建築週2024」喺奧海城舉行《綠建前行探索展》，當然把握機會同香港綠色建築議會主席張天祥博士傾兩句。

　　張天祥博士指，「希望透過一系列嶄新嘅活動，讓參與者認識綠色建築嘅好處同重要性，更希望佢哋了解綠色建築與人和自然嘅關係，認識點樣運用創新嘅綠建技術節能減碳，兼提升居住同工作環境嘅健康舒適度。希望參與者通過導賞體驗了解節能措施，並鼓勵大家改變日常生活行為，為實現2050碳中和而努力。」

　　張博士仲話，「香港綠色建築週2024」支持機構突破220間，再創新高，支持活動嘅政府部門及公私營機構亦愈來愈多。」Cally啱啱仲從張博士口中得知，短短兩日嘅《綠建前行探索展》就吸引近5,000人次參觀！佢仲補充話「香港綠色建築週」今年能夠喺商場舉辦咁大型嘅活動，將綠色建築知識帶入社區，唔單止令更多市民接觸到綠色建築理念，更提高咗公眾對可持續發展嘅

認識。

　　大家仲可以參加《下一站綠建，捕捉「綠建列車」有獎活動》，拍下限定版「綠建列車」上載至個人社交並設為公開，標註「香港綠色建築議會」同#HKGBW2024，即有機會贏得大獎。