KellyChu - 「任何仁」抽水 變身盞鬼國寶 | Executive日記

中央送贈香港嘅一對大熊貓「安安」和「可可」昨日終於嚟到香港！全港上下都熱烈歡迎一對國寶嘅到來，唔少商場更推出熊貓打卡裝置吸客，一向緊貼潮流嘅消防處亦立即上架吉祥物「任何仁」crossover熊貓嘅WhatsApp sticker，盞鬼可愛。

　　「安安」和「可可」昨日從四川成都雙流國際機場乘坐專機抵達香港國際機場，然後前往佢哋嘅新屋企—海洋公園。連同盈盈和樂樂誕下嘅龍鳳胎，香港現時一共有6隻國寶大熊貓，可謂雙喜臨門，如此高興嘅事情，大家都當然希望賀一賀佢，故隨即掀起一股熊貓熱潮。

　　消防處昨日就宣布佢哋製作咗一套任何仁x大熊貓WhatsApp sticker，歡迎市民到消防處流動應用程式嘅「互動媒體中心」下載，有網民留言笑稱以為呢套sticker叫「任何熊」。

　　Kelly作為八卦妹即刻下載玩吓，3款貼圖都係識郁㗎，有愛心同埋歡迎大熊貓嘅字樣，有心思之餘都幾可愛呀。

KellyChu