Cally - 冠君產業信託聯手順豐香港 開啟美妝免費即日送貨新時代 LANGHAM BEAUTY增設全港首個美妝店到點服務 | 商界講呢啲

近年網購雖然受消費者歡迎，不過實體店所提供嘅人性化服務及體驗，係網購無辦法替代到。冠君產業信託近日就宣布旗下大型美妝概念店LANGHAM BEAUTY與順豐速運（香港）有限公司（順豐香港）達成戰略合作，推出香港首個美妝「LANGHAM BEAUTY店到點」企劃，為顧客帶來「隨時買、即日送、無門檻、免運費」嘅無縫購物體驗。

　　由即日起至11月3日，顧客喺LANGHAM BEAUTY Fest F/W 2024場內超過60個頂級精選美妝、護膚、護髮及身體護理品牌購物後，就可以喺朗豪坊2樓嘅美妝主題SF服務站享用免費配送服務，送貨地點包括酒店、住宅及辦公室，而且不限購買數量及價格，無論係本港市民定外地遊客，都唔需要拎住一堆戰利品繼續其他行程，相當方便。佢哋亦會將企劃拓展至網店，一樣都可以免費配送！如果寄送地點係油尖旺區，只要喺星期一至六下午5時前或星期日及公眾假期下午三時前嘅訂單仲可以即日送到𠻹！ 

　　冠君產業信託行政總裁侯迅表示會不斷探索和實施創新嘅商業模式，發揮超級聯繫人嘅角色，主動連結各行各業，致力為顧客提供卓越嘅產品及服務體驗。佢仲同Cally講：「這次達成的創新合作是香港美容化妝品市場與快遞服務領袖之間的首次戰略結盟，我們期望今次透過LANGHAM BEAUTY與順豐香港強強聯手，為香港市民及遊客提供全新優質體驗！」順豐速遞港澳地區負責人岑子良就表示今次與美妝行業領導者LANGHAM BEAUTY嘅戰略合作，可以話係標誌住雙方為客戶提供貼心體驗及優質服務嘅承諾追求。