趺市停月供,會走雞
2008/07/02 13:40:15 網誌分類: 經濟
見陸sir 回答網友,提醒月供股票跌市不可停供,
CCB:月供的股票，在跌市中輸錢唔奇，月供股票千祈唔好在跌市時停咗唔供。至於好唔好換馬，例如中交建換招行，港鐵換信置，就要睇吓你換入的是否值得持有５年１０年的股票，招行都ok o既。
YY太 寫了下列的話,給初出來工作未有投資的小朋友分享:
之前說過, 無人知什麼時間工商銀行叫平, 什麼時候叫貴. E.g. 今日$5.23. 明日會不會 $4.23 ??? 但是會不會永遠不低過 5.22呢?? 普通人, 跌怕再跌, 升怕買貴, 不如睇睇先, 睇下睇下都是無買.
1年, 2年,3年, 股市再大升. “嘩, 3 年前 5.22 唔買, 今日7.88, 早知個時買了積蓄, 而家夠幫補首期”
投資時間值好重要, 閒錢每日為您工作緊. 買了工行, 是股東, 工行員工過去三年,為您賺錢. 光陰似箭, 10年,20年過去, 紅薄仔的利息, 對退休沒多少幫助.
要收成, 必須要有行動,淨睇及想,唔會有結果
所以普通人( 唔係股神的人), 會定期月供股票.
心態應該是,
今個月升好多: 唔知會不會再貴, 但反正長供, 每月$1000, $2000, 就算$3000, 平均了不是買貴好多.
今個月跌好多: 嘩, 都係一份錢今個月,買多左股數, 好抵和. 比機會我儲多幾十股. "千祈唔好在跌市時停咗唔供"
反正,是投資10年, 股市一定再有好價的循環, 好股一定跑勝通脹. 耐心種果樹, 一定有收成
真實快樂投資者分享: 謝謝水兄,
|
yy姐：
我唔細了。
命好的，結埋婚，生埋一歲的女了．．
童子，只係心境
Ki,
我都有看您的文章, 知您是一個有計劃的人. 您是不是好細 (叫童子),我唔知, 但有計劃,會事成, 同myself一樣, 是很好的後生仔. (比對我年齡).
ktv
反面意見
我看了您朋友的方法及陸sir 的留言. 您朋友的買家是炒家. 方法好不好, 要看您朋友的心態. 有人賣樓是要必走,唔想煩及多野想. 接受了現價出貨,唔想再有風險. (好像我到價唔想煩, d錢想到北京買多一間2間), 您朋友的方法對我就唔好.
陸sir 話頭, 1 年後市跌了5-10% (多過己付訂金, 而且若有再跌一成之走勢),買家一定走人. 不要訂, 唔通您朋友告他. (我地用公司名買樓花,都作了這最壞打算).
您朋友無得搬,再賣, 都不容易 (可能再跌一成和).
正面意見
如果您朋友, 搬ok, 唔搬都ok, 細樓換大大樓,(樓市跌2-3成重有著數),或要d時間慢慢搵, 手頭有錢, 買了好樓,出唔到這現住貨,都可成交新物業, 最多收租,長d持有.剎了人10%訂, 其實都幾好. (我都是看明年樓市唔多會再升幾多)
同買期權一樣羅. yy太
yy姐：
等緊二萬至二萬一千呢個區間，小注博反彈
希望博番架單車，哈哈。
長線就等二萬之下先諗
yy 太：
特別賣樓法有可利弊？
請來我家給意見！
Thankyou
yy 太：
多謝你的文章。
我都計劃月供股票！
THANK YOU, KI
唔該晒分析, 您有什麼計劃呢? YY太
yy姐：
同意~思考重要。但行動同樣重要。
如果相信以往的數據。
歷來的股災或紅市，最高係７３年跌91%。最少係跌36%。其他的情況，有些係跌40%,50%或60%。
所以由最高位跌左四成，開始分三注買，應該唔會輸太多。
當然過去不代表未來。
而且最重要係揀到好股~
YY太,
我真係好希望你說的小朋友能持之而行, 供多少不重耍, 最重要有儲蓄習慣, 不要入不敷支. 中學生， 能儲到１５００， 我想都無想過．如果我在中學時有人教我長線儲蓄就好．雖然讀中學同大學，我都要補好幾份習同做part time先交到學費，都算係咁上下啦．唔好講我的年代，之前大部份人都是靠自已啦，只是現在的年輕人物質太豐富， 容易身在福中不知福．市代唔同，希望你同能對妹妹的仔女，灌輸old rich 的思想，將來就易行得多．
我以前都幾大使, 唔知同細個太窮有無關係， 我鍾意玩男仔頭的玩意, 同亞a志同道合, 相機，鏡頭,電子產品, 之前都會追新款, 咁就死得啦. 仲有好易耳仔軟,容易就俾人昆Joint facial, 同做gym plan. 仲要做facial plan買左超長未做完間鋪收檔, 做gym又被昆請私人教練, 仲joint了個永久會籍, 但又唔覺得俾我自已做特別好, 同埋依家太懶都無去做. 如果唔隨花費, 都可以買多好幾手中人壽啦. 依家就左計加計先行花費. 亞a說我有時是近乎孤寒呢.
既知弱點, 就搵月供呢一個笨的方法, 如果我有多一點自制力, 唔會隨時出出入入, 我諗我唔未必會用月供, 而係會用緊你地用的平時就買再儲起, 因為一定平些呢, 我的第一注大概定了20000-21000, 不過今日見到25.8的中人壽真係心動.
我又講故仔， 哈哈． k
K,
好多謝您的分享. 您分享會改變的小朋友的人生. 他2月己學您供了.中學生, 只可供1500一個月. 但唔供, 咪使埋.
k, 您一家可取3千萬, 沒有人保証生命多長, 但要行的方向正確,及有意義, 才會快樂, 一早想著失敗,生活沒了理想. 不是好方法.
老實,我到今天未月供股票 (我不會向中銀入, 只會自己定計劃,每月或2月買一手).
因為yy生一直不同意, 他想見底幾注買晒. 但我無比指示我什麼是底, 幾時是底, 幾時是第一,二三,注.
有建議,但無action plan. 所以我依我計劃去做, 21000, 19000, 再看是不是17000. 有機有改動, 因市場是dynamic 的. 但一定要有行動. yy太
(長期平均法對我同yy生是對的, 因心理質素差. 但他唔同意我無法)
YY太, 水兄,
我剛才說的是心底話, 講緊幾十年你點知有咁長命, 其實我係想講, 太多人都有賺快錢的心態, 滿足於賺幾十%, 如果賺到幾十萬就好開心, 點解唔諗下一些賺幾千萬的方法? 水兄計的是30年, 我計的是25年,但每月供多2千, 已經是3千萬以上了.
係今日不斷牛牛熊熊, 短線1日賺幾十%的日子 (同樣可以是1日蝕幾十%的日子), 哈哈, 其實你都知我亦喜歡短炒, 不過無時間望住個市睇牛熊證, 所以明日都報左名去聽一個期權講座. 希望唔係自掘個洞.
現在去講長線投資可能都聽入耳,因為好多人都短線被逼長線, 而另外股票的價值真係抵買,
但去講每個月都要漲面蝕緊的月供, 有供的人可能會心裡說, 早知就遲幾個月供啦 (我諗好多人都會咁諗), 無供的, 好自然的反應, 係月供的on居居.
其實我同你的朋友一樣反應, 我今個月都不知幾開心, 可以用平價供多幾股, 又能夠拉平5,6月貴的, 都不知幾so. 如果連供中人壽,盈富,招行都要關門大吉, 我就真係無話可說, 唯有認命. k .
yy太
我的朋友只供ETF，她說本來指數就有自我更新的功能，不斷用新興的好股替代其弱勢股，而且她不貪心，不求超越指數表現，盡量降低交易成本，貼近指數表現就好。我問她對HSBC對中人壽有無信心，她問我對AT&T、安然、巴林銀行、長期資本、甚至貝爾斯通有沒有信心，又建議我去讀black swan。
水兄,
您好, 您今天可上來. 對呀. 好像您朋友, 老來就有一畢錢傍身, 多少在乎供多少, 總之多有多理財, 少有少理財, 唔理是蠢才 !
一定要供好股, 見過 香港電話之慘劇. 必須是唔靠專營權及大到無人買得起, 阿公有份的.
盈富, a50, 工行, 中壽,恆生, hkbank, 941 ( 但要睇實,市場轉了,要識走位, telecom嘛).
yy太
yy太
我的一位朋友，月供股票就如您所說，跌也開心存多些股數，漲也開心賬面值多了。我問他什麽時候會不開心，她說如果某一天HSI執笠，她就不開心了，因爲那個時候，整個社會都不知糟糕到怎樣。