食戒
2008/07/03 19:53:49 網誌分類: 生活
作為一個孕婦,自問都算好乖,起碼無食雪糕、無飲茶、咖啡,亦很偶然才飲汽水,凍飲亦都是幾日才飲一次,每次都必定要少冰、少甜。甜品都好少食,熱氣野亦是間唔中才一次,但亦是一件起兩件止。
最重要是之前做過食物敏感測試,即使大肚都盡量避免那些致敏原,所以奶、蛋、芝麻呢類凡係大肚婆都食的食物,我都要戒!為咗避免BB唔夠蛋白質、鈣質,我唯有靠高鈣豆漿、鈣片、豆類食品,如芽菜或大豆芽嚟補充番。點知呢兩個月濕疹又再發作,每到夜晚都又痕又熱,好似出風癩咁。於是去咗睇中醫,希望搞搞佢,中醫師問我係咪食咗海鮮或熱氣野,我心諗,係都只係一兩件,唔會咁嚴重啩!
中醫師要我將一日五餐的食物記錄下嚟,希望可以找出元兇!但係結果真係好鬼洩氣,因為中醫睇完我個食物清單後,佢話濕疹同熱、濕、毒有關,而高蛋白質亦是致敏原,基本上我每日所食的食物都有令濕疹惡化的元素,佢打圈的食物包括:
豆漿、燕窩、芽菜、洋蔥、冬菇、牛肉、鴨肉、叉燒、燒肉、蝦餃、雲吞、雞批、椰撻、大豆芽、魚柳包、梳打餅、煙三文魚薄餅、榨菜肉絲、花膠、草菇........
不如講番無問題的食物,就係魚腩粥、蒸腸粉、士多啤梨、西梅、西芹雞柳、木瓜雪耳湯、白飯、五色飯、番茄肉碎、雜菜湯、鹹菜排骨湯飯、菜肉包、蒸排骨飯、生菜魚肉、魚餃通粉、魚蛋米粉、提子麥包、藕片炒豬肉、紫菜五寶麵。
以上係我一個月,每日五餐之中,被選為可以食用的食物,在未來的日子,我就要睇住呢張清單,重覆又重覆咁食以上10幾樣野!為咗寶寶、為咗自己,唯有忍、忍、忍!
尖尖小姐,好想快點見到小寶寶喔,她一定很可愛的^^
如果叫我一聲多好呢?
我好喜歡小孩子的喔!^^
您有加油喔,保重身體
我想寶寶一定像您一樣美麗吧^^
good night!
有寶寶,的確很多小事也要特別注意呀,
雖然對食療不太熟悉,但是心境愉快好重要啊,
所以小青蛙都祝尖尖開開心心 ^^
我d濕疹都好勁,煲左去濕茶就好少少咁囉~
你問埋中醫可否飲去濕茶啦!
神算子:多謝支持,不過呢兩日每當肚餓時諗食乜就覺得好煩,因為好多都唔食得!
糯米如:多謝支持呀!
你要加油啊, 為左你個寶寶著想, 一定唔好亂食野! 因為亂食野真係會出事架! 小心!
Thanks!
有時找個人吹水可解一下心煩 , 中文打字剛剛 學會, 因為九歲大仔會, 迫得學一點!
take care! 有時間多點交流! 會 keep on search! 要做(口野), talk to you later