保住豪宅現在式 2
今天談多一些現在式, 明日會再貼出例子, 跟住我會試下用我的體會, 說一下yy太心目中的未來式..
為什麼要投資/住在豪宅? 是因為保值, 而為什麼保值? 主要是豪宅的保養很好.設計間隔空間大, 乎合有錢人的需要,(過400呎大廳, 雙套房, 大廚房), 地方罕有,供應有限,住在豪宅是地位的認同.及與社會地位被人認同的人住在一起. (可以通過大眾都知之的光環測試)
看看永遠的豪宅,山頂的分層式,半山名廈,雅賓利, MAY TOWER,地利根德閣,每十多廿十年就全座番新, 外牆磚瓦歷久常新,雖然之前未盛行豪華所, 但為富人而設精緻大廈外形,大泳池, 平台花園, 兒童設施, 網球場等,都是可以. 所以30年, 40年, 50年樓齡都是價格堅挺.
如果您住在山頂3000呎分層, 或中半山2000呎, 大坑道2500呎的豪園, 何文田山道2200呎4套房大宅,9成半實用. 大廈外表像10年樓(每十年, 立案法團自發出資維修,或每戶好爽手的付十多廿萬之番新費),富有的人會留低(除非搬到獨立屋), 而新進富有的人想加入, 想買進, 樓自然會保值, 而且在旺市中會升值. Old rich 一直住下去, 往往十年花一百幾十萬(主要地方大!料要用多d, 富人的家,裝修同普通人無異)裝修下, 新鮮同時得體. 可以保持得住住客群,就是永遠的豪宅. (您新年間晚上出入大堂, 真的會遇見踢死兔及low cut ball 衫之俊男美女.是歡樂滿東華look)
如果留不住富有的人, 就會變成今日的美孚.
如何才知現在式的豪宅會延續下去, 我由睇樓的經驗, 就是一定要戶戶大單位, 唔好有入門版中單位(約600呎-800呎). 當然全是2000 – 3000 呎大單位固然是好, 但因為現今樓價及收入的比例, 己較難做到. 早1-2年, 有研究顯示, 新豪宅定議,是單位面積1500呎3房以上, 於好區及定位之發展項目. 下列2個例子可以表達出因由.
例子見 3
yy 太：
多謝你的關心！
多謝 yy 太回覆！
依家樣樣都貴, 樓價仲貴到飛起。
嘩, 真係貴到飛起㗎！
發展商又想賣貴樓, 搞到乜嘢都話豪宅, 但係一睇, 500幾呢又有, 600幾呎至800幾呎仲佔咗大部份。
可以預見, 呢兩、三年賣嘅新樓, 所謂豪宅, 再過兩年就無哂風采。
from 松花蛋兄
在上海，永遠的豪宅是原來法租界的老洋房，有歷史，有故事，有文化底蘊。如果在10年前投資，現在的回報是10倍以上。（在北京是老式四合院，天津是舊租界的老洋房）
現在的豪宅可能是近郊的別墅，古北的高級公寓，小陸家嘴的濱江豪華高樓。
有網友提過新天地附近的翠湖天地，但以80000 - 100000/平方的價格是遠遠超出目前上海的樓價水平，不值。
松兄, 多謝資料.同意呀. 80k -100k 一平方, 太貴了. 就是值, 都唔會搏.
北京好的四合院, 很貴要幾千萬, 平的800萬都有, 但好多地點不好, 無車路到, 而且重新做水電煤, 要1-2百萬修復, yy生很喜歡, 覺好有價值, 但我就覺對我地,值搏太低, 好像買股, 如果我有10注錢, 買一注自己感性喜歡的股(好唔好見人見智), 我覺ok. 但1000萬唔係小數目, 少眾的投資可以, 但以我地的資本, 唔係我地可以學人玩. yy太
from 任寅博士:
永遠的豪宅, 從來都唔係屋苑！
北京四合院、上海法租界同埋天津啲老洋房, 唔知國內樓價下跌, 會唔會平啲呢？
博士, 唔好意思有些家事, 現在回話. 我想上列不會下跌, 因早十多年前剛開放經濟之時, 這些, 超罕有物業, 己全落入強者之手. 這些有財有勢之人跟本唔會出售, 當多件古董.
* 我都好喜歡您說的物業, 好有味道. 不過我無錢買.
yy太.