長篇劇本故事: 孔慶羊求愛啟示錄 第一幕

孔慶羊: 24歲, 有一棚爆牙, 係回港既大學生.

薛可棋: 23歲, 港大畢業. 好靚.

章少米: 28歲, 好靚, 寡婦, 開精品店.

溫笑倫: 29歲, 成功人仕, 靚仔, 賤格. 馬場行政人

(在在下心目中,  孔慶羊一角是由孔慶祥演出, 如此類推. 並非影射, 而是希望各位看官看時心目中有個演員的樣子. 真實一些. 再次強調, 不是影射.)

本故事是笑戲, 希望各位看得開心. ^^ 

第一幕

(孔慶羊在機上飲著可樂)

(機上震一震, 可樂傾瀉在隔離既靚女身上)

靚女 (厭惡): “你做乜野呀!”

孔慶羊 (不知所措): “sor…..sorry呀, 我幫妳拭番.”

(孔慶羊很快地在衫袋拿出紙巾, 作勢去拭靚女既衫)

靚女 (很驚): “你傻架!”

(靚女按著自己個胸)

孔慶羊: “妳按住件衫, 隻手會濕架.”

靚女: “我寧願隻手濕, 都唔要俾你咸濕呀!”

孔慶羊: “我唔會非禮妳架, 我o岩o岩大學畢業番去, 唔會做d咁既事架.”

靚女 (厭惡): “但你個樣出賣左你呢!”

孔慶羊 (著急): “乜你咁以貌取人架. 你無聽先生講書架.”

靚女 (提高語調): “我就係睇得報紙多, 先知呢個世界有好多你呢d衰人呀!”

(一個個胸好大既空姐經過)

空姐1: “有乜野可以幫到你地?”

靚女 (立即): “佢非禮我!”

空姐1: “咁妳有乜野證據?”

靚女: “佢….佢個樣咸咸濕濕咁.”

空姐1: “睇過.”

(空姐挨得好近, 捧一捧孔慶羊塊面看)

空姐1: “又真係幾咸濕喎.”

空姐1: “但係小姐, 佢雖然樣衰, 但個樣咸濕唔構成非禮架喎.”

(孔慶羊舉高雙手)

孔慶羊 (勝利笑容): “咪係囉! 妳以為自己靚女就大晒咩!”

(機上又震一震, 仲熄埋燈, 一陣, 燈開番)

(孔慶羊雙手抓著空姐個胸, 空姐好驚慌)

空姐1 (驚呼): “呀! 非禮呀!”

(孔慶羊立即縮手)

靚女 (戚戚然): “我都話左佢咸濕架喇. 妳又唔聽. 唔通到俾人是非禮先出聲咩, 無d先見之明!” 

(孔慶羊舉起雙手一半, 神色慌張, 望左望右)

孔慶羊: “我無呀, 我無呀!”

空姐2 (急問): “邊個非禮妳呀?!”

(空姐1指著孔慶羊)

空姐1: “呢個衰人呀!”

(幾個著制服既人走過黎捉走孔慶羊)

孔慶羊 (慌張): “我無呀, 你地信我啦! 我係大學生黎架!”