長篇劇本故事: 孔慶羊求愛啟示錄 第二幕
(孔慶羊在機留室)
(一個樣子和善既肥警官食住雪茄在盤問佢)
(另一個助手拿住本咸書企o係佢隔離)
警官 (笑笑口): “你係咪非禮人呀, 快d講啦.”
孔慶羊 (慌張): “我無呀阿sir. 你信我啦. 我讀醫科架, 唔會做d咁既事架.”
警官: “你讀乜野醫呀…..內科, 手術.”
孔慶羊 (尷尬地dup低小小頭): “我讀牙醫架.”
警官: “牙醫? 牙醫都好有前途喎. 牙痛真係好辛苦架.”
孔慶羊 (立即): “係呀! d牙痛起上黎會痛到不停咁叫架.”
警官: “咁其實係咪應該日日用牙線架?”
孔慶羊 (猶疑): “呢樣我又好少聽喎. 我都唔鼓勵用牙線既! 好容易整痛架.”
警官 (笑笑口): “咁你第時做左醫生, 收費貴唔貴先?”
孔慶羊 (傻笑) : “我收好平既o者, 百來蚊到喇.”
警官 (笑笑口): “咁平! 咁我幫襯你有無得再平d呀?”
孔慶羊: “如果你唔賺我幫開d馬整牙, 再整你棚牙既, 咁平d都無所謂既.”
(警官驚訝, 口裡面支雪茄吐左出黎)
警官 (驚訝): “乜野話?! 馬??”
孔慶羊 (傻笑): “我….我係獸醫黎架痳.”
(警官拎拎頭)
警官: “我地o係你既旅行袋度搜到本咸書喎. 你話你唔咸濕, 你點解釋呀?”
孔慶羊 (緊張): “o個本書o係我朋友叫我買番黎架咋. 唔係我睇架.”
警官: “你無睇過? 點叫人信呀, o係男人都好色架喇. 人少少你咪認左佢囉.”
孔慶羊 (緊張): “真係無呀阿sir, 你睇下, 本書d包裝仲o係度架.”
警官 (嚴厲): “拎本書黎睇下!”
(助手拎手上既書俾警官睇)
(警官睇下o個本書)
警官: “真係有包裝架喎.”
(警官仲睇住本書既封面, o係度淫笑, 仲摸下本書添)
孔慶羊 (驚驚地): “我走得未呀.”
(警官終於放低本書)
警官: “好, 你講一個我要放你既理由, 睇下岩唔岩聽.”
孔慶羊 (緊張): “我真係無做過架阿sir. 你信我啦! 你放我走啦!”
警官: “你唔好咁緊張啦. Come on, 你係大學生黎架痳, 俾多d新意.”
孔慶羊: “呀. 靚仔, 阿sir你真係好靚仔呀.”
警官 (笑笑口): “有進步鴉.”
孔慶羊: “我…..我介紹個牙醫俾你鴉. 唔收你錢, 好唔好呀.”
警官 (笑笑口): “有建設性喎. 不過仲係差….少少!”
孔慶羊 (諗左諗): “我…..”
(警官笑笑口揚一揚手上既咸書)
(孔慶羊傻傻地望住佢, 忽然醒覺)
孔慶羊: “你想要本咸書?”
警官 (笑笑口): “係咪唔得鴉. 你可以唔俾我架.”
孔慶羊 (立即): “好, 好, 你拎去啦. 你拎去啦.”
助手: “咁唔係咁好喎.”
警官 (嚴肅): “我已經作出詳細既調查, 加埋佢肯俾本咸書我, 已經可以證明佢唔係咸濕既人. 佢唔咸濕, 即係唔會非禮人啦.”
助手: “咁……”
警官 (嚴肅): “我講得唔合理牙?!”
(助手肅立)
助手: “合理既, sir. 不過, 可唔可以借埋俾我睇呀?”
警官 (嚴肅): “呢單案係我破既, 你好似無乜野功勞喎.”
(警官拍一拍助手)
警官 (笑笑口): “見你同女朋友o岩o岩分左手, 借你睇啦!”
(助手笑了笑, 又肅立)
助手: “thank you, sir!”
孔慶羊 (面露笑容): “無乜野我走先喇. 拜拜阿sir.”
(孔慶羊起身行去開門, 去到門口)
助手: “係男人都咸濕架喇. 佢都唔知係咪男人黎既.”
警官: “你唔好咁大聲呀. 第時睇牙仲要靠佢個friend架.”
(孔慶羊有d失落既表情, 然後戴上一副黑超, 開門行左去)
