長篇劇本故事: 孔慶羊求愛啟示錄 第六幕
2008/07/16 16:47:45 網誌分類: 寫作
(孔慶羊同爸爸落lift)
孔慶羊 (失望): “可棋真係唔黎呀?”
爸爸: “佢話原來有個男仔已經約左佢喎. 唔黎架喇.”
(孔慶羊失望既表情)
爸爸 (微笑): “少人有少人咁玩既o者, 唔好咁失落喇.”
(孔慶羊同爸爸o係k房唱歌)
(爸爸好陶醉咁唱完一首歌)
爸爸: “你做乜唔唱呀, 嫌無聽眾牙?”
(爸爸郁一郁身, 靠近孔慶羊多d)
爸爸: “咪咁喇. 係咪有心事呀, 講黎聽聽!”
孔慶羊 (憂鬱): “無野呀. 我平時成日唱歌, 想聽下人地唱o者.”
爸爸 (驚訝): “嘩! 乜突然間咁有詩意呀? 你原來仲係詩人黎架.”
孔慶羊 (笑了笑): “呢首歌又係你點架喎. 你唱先喇.”
爸爸: “梗係喇, 你都未點過歌, 呢首梗係我點架喇.”
(音樂響起)
爸爸: “咁勒, 呢首合唱歌, 一齊唱好唔好呀?”
(爸爸拎起支咪俾孔慶羊)
(孔慶羊猶疑咁接過咪)
爸爸 (笑笑口): “咁先係架痳.”
(孔慶羊同爸爸一齊唱, 孔慶羊唱我好細聲)
(孔慶羊唱唱下突然唱得好大聲發洩, 不過都係好難聽)
孔慶羊 (大聲唱): “萬水千山縱橫! 豈懼風急雨彎!...”
爸爸 (笑著): “番黎喇番黎喇.”
(爸爸也唱得更大聲)
回應 (0)
我要發表