長篇劇本故事: 孔慶羊求愛啟示錄 第七幕

(天上落緊雨)

(孔慶羊著住西裝, 拿住雨傘好型咁企o係馬場門口)

孔慶羊 (堅定眼神): “一定要成功!”

(一架車駛過, d水踐落孔慶羊度)

(孔慶羊慌失失既樣)

孔慶羊: “我套西裝無喇. 點見工呀.”

(孔慶羊拭著衫褲上既水)

(孔慶羊突然發現有個人企o係佢身邊)

(孔慶羊嚇左一跳彈開)

(一個婆婆拿著掃把企o係門內)

八姑 (微笑): “可惜.”

(孔慶羊定過神來)

孔慶羊: “乜野可惜呀? 我今日見工呀. 妳講d野咁唔老黎架.”

八姑 (微笑): “不過危中有機, 祝你好運啦後生仔.”

孔慶羊 (不安): “妳掃地架咋, 咁多野講架.””

(一架車又駛黎, d水又踐落孔慶羊成塊面度)

(孔慶羊閉上眼, 跟住用手拭著自己個頭)

(孔慶羊抬頭, 左令又令, 八姑唔見左)

孔慶羊 (大驚): “唔通o個個係高人?”

(一把男人聲音o係後面傳黎)

溫笑倫 (責罵): “阿八姑, 妳八我都算. 我叫妳掃入面, 妳就掃到門口, 係咪想吞泡呀!”

八姑 (驚慌低頭): “我以後唔敢架喇. 你唔好炒我呀.”

溫笑倫 (責罵): “醒定d呀!”

(婆婆猛咁點頭)

八姑 (慌失失): “係既知喇!”

溫笑倫: “番入去喇!”

(八姑低頭行左去)

(溫笑倫望向孔慶羊)

溫笑倫: “你係咪黎見工呀?”

孔慶羊 (大聲): “係呀, 我見獸醫架!”

溫笑倫: “入黎喇!”

(孔慶羊面上好精神咁行左入去)