長篇劇本故事: 孔慶羊求愛啟示錄 第八幕至第九幕
第八幕
(辦公室裡面, 溫笑倫同孔慶羊做面試)
(溫笑倫看著孔慶羊既覆歷)
溫笑倫: “你係大學有無上過實習架?”
孔慶羊: “有呀. 我地都會親身去馬場做實習架, 不過四個月一次到喇.”
(溫笑倫立即放低覆歷)
溫笑倫: “我請你!”
孔慶羊 (大喜): “真架! 咁真係唔該晒呀!”
(溫笑倫沒有理佢, 點左一支煙)
溫笑倫: “有無回鄉證?”
孔慶羊 (驚訝): “o下?! 暫時無喎. 不過我好鍾意去旅行, 一定會申請既.”
溫笑倫: “即刻申請!”
孔慶羊 (猶疑): “點解咁急既?”
溫笑倫 (嚴肅): “唔好問啦, 你而家係我下屬, this is an order. ok?!”
孔慶羊 (無奈): “ok..”
溫笑倫: “聽日返工.”
孔慶羊 (傻笑): “好既老頂.”
第九幕
(屋企門口, 孔慶羊開緊門)
(薛可棋o係門口出黎)
(孔慶羊拎個頭去望, 立即面露笑容)
孔慶羊 (笑笑口): “棋棋.”
薛可棋 (微笑): “咦, 係你呀. 最近點呀?”
孔慶羊 (笑笑口): “我見成工喇, 聽日返工喇.”
薛可棋 (微笑): “咁o係邊度返呀?”
(辟可棋關左閘, 行去孔慶羊度)
孔慶羊 (笑笑口): “馬場囉. 我好想做一個好獸醫架.”
薛可棋 (奇怪): “又係馬場…”
孔慶羊 (好奇): “乜野又係馬場呀? 妳有去馬場架?”
薛可棋 (低聲): “最近去過一次喇…..”
(薛可棋醒覺)
薛可棋 (微笑): “咁希望你做得順順利利啦.”
孔慶羊 (傻笑): “多謝. 呀, 不如我地今晚去食飯慶祝鴉?”
(薛可棋指一指孔慶羊)
薛可棋 (微笑): “好呀. 要食滑蛋蝦仁架!”
(孔慶羊又指一指辟可棋)
孔慶羊 (笑笑口): “之後要食糖水, 食附碌蛋!”
薛可棋 (笑著): “係附竹蛋呀!”
(兩人笑著)
薛可棋 (微笑): “我走喇, 今晚見.”
孔慶羊 (笑笑口): “拜拜”
(薛可棋行左去, 孔慶羊笑著, 握住拳頭放o係心口)
