長篇劇本故事: 孔慶羊求愛啟示錄 第十幕

(孔慶羊e起棚牙咁行商場)

(離遠有幾個著超短裙既女仔o係貼紙相舖門口徘徊)

女仔1 (憂愁): “映到好悶喇, 真係要映牙?”

(女仔2捉住女仔1隻手)

女仔2 (心急): “hurry up. 我地考試科科肥佬. 心情唔好鴉痳! 而且咁耐無映. 當係留個記念啦.”

女仔3: “攪d新意得唔得呀? 唔係我唔映架!”

(孔慶羊繼續e起棚牙經過)

(幾個女仔見到佢)

女仔3 (雀躍): “不如搵佢一齊映囉!”

女仔2 (雀躍): “that’s good, 同佢映實有special effect架!”

女仔1: “快d叫佢啦.”

(幾個女仔拉住孔慶羊, 孔慶羊嚇左一跳)

(女仔2猛咁貶眼)

女仔2 (發姣): “hey, handsome guy, 同我地映張相啦得唔得呀?”

(孔慶羊打左個冷震, 然後自信咁笑)

孔慶羊 (傻笑): “咦, 妳英文水準好好喎. 我都係外國留學番黎架.”

女仔3 (發姣): “有緣千理能相會, 黎啦, 不如我地……”

孔慶羊 (愕然): “我地?”

(幾個女仔拉住孔慶羊)

幾個女仔 (笑著): “行啦!”

(佢地捉左傻更更既孔慶羊入貼紙相舖)

(貼紙機一映)

(幾個女仔笑著睇住相行出黎, 孔慶羊o係後面)

幾個女仔 (笑笑口): “幅相真係好正呀”

(張相映住孔慶羊o係前面大頭e起棚牙, 另外兩個女仔o係兩邊扭住佢雙耳, 一個女仔o係佢後面整佢牛角)

孔慶羊 (傻更更): “乜幅相真係正咩? 點解我覺得怪怪地咁既.”

(幾個女仔笑著回身, 捉住孔慶羊)

女仔3 (笑笑口): “幅相梗係正啦. 我一定會拎晒俾我d同學睇架!” 

女仔2 (笑笑口): “你真係一個出色既model呀. 下次再映我地一定搵你.”

女仔1 (激動): “我終於重拾映貼紙相既衝動喇!”

(孔慶羊傻更更咁抬起頭)

(薛可棋就係前面望著佢)

(幾個女仔開心咁走左開去)

(孔慶羊望住薛可棋尷尬咁笑)