「 做人 」熊市 雜談

週末提及今年小了 5000 學生升中, 原來12年前 (1996) 是"做人"熊市.  有幸陸sir回應如下:

牆頭草：你話做人都分牛熊市，例如中學要殺校。說得很對，所以要分析經濟大環境的供應和需求，人口長線老化，所有針對年青人的「生意」，都有減縮之險。仲有一種做人的熊市消息要告訴大家，特別要告訴小孩子，大陸每年有５００萬個大學生畢業，佢地啲大學生競力愈來愈高，新畢業生仲係收１０００元多一點的人工，香港細路要做大學生，仲要做最 top 的大學生，否則面對住大陸１０年５０００萬個大學生（仲要假設佢唔增長）完全(無)得fight，人地唔係叻過你，就係平過你，香港細路10年後做流口水大學生都唔掂。 

這令我有其他雜想 :

1. 1996 出生率下跌, 應是好多人想唔通97後是甚麼境, 所以唔生住.  因此97都應該出生率低.  在這兩年出生, 在港升中學升大學都會易D, 因政府無因應減位. 適揀熊市"做人"會有利, 一樣要行相反理論.

2. 下一個 "做人" 熊市會是2003沙士期內. 原因不用說.  2004/5 市道低迷, 生育率也一定低.  我附近的幼稚園五間執了二間.

3. 2006/7 出生率應高了很多, 從公園playground見到的手推BB車可見.  原因應是跟市道好轉, 收入增多有關.  煲呔曾叫生三個有無關 ?  當然無.

4. 其實內地嚴行一孩制, 香港這例外實在唔知可以維持多久.  五十年不變話咁快己過五分一.  煲呔以一個地方小官員身份, 叫人生三個, 政治智慧 ??

香港細路將來 :

1. 如陸sir講, 一個字 - 危. 身為家長, 確是不知何去何從. 

2. 連小兒學校的老外校長都懂得說: "香港小孩的未來在中國, 學好普通話可能比學好英文更重要."  然而我們的母語教學竟是近乎全民反對.  跟理科生比文科生好一樣, 是長久以來的標籤效應.  小政府也是決而不行.

3. 眼望我等細路, 唯有看他們自己長大後可否發揮潛力(如果有的話).  否則只可打蝕章波, 如早一代的內地人, 風水輪流轉.

4. 陸sir話在香港要做最top的大學生先有得fight.  陸sir的女兒要升中時就會知, 在港做最top的中學生都唔易.  港島最top的中學(波羅男女)收報名表時會話-如果你小孩不是在小學考開全級頭五名, 沒有一兩張公開活動(琴棋書畫,足球,游泳...)的獎狀, 你可以慳番報名費.

5. 終歸我只覺得, 好孩子, 好學生, 是不可以"谷"出來的. 對他們也不一定有用. 只可以盡可能俾一個適合的環境 (不太陰, 不太曬), 等他們好好成長, 發揮身上的上帝密碼(DNA)就可以了.