通賑受惠者
2008/07/23 22:33:50 網誌分類: 未分類
早上搭九鐵返工，途經九龍塘站轉車，扶手電梯有一系列自由黨既廣告板，其中一板係主席田北俊，佢右手拎住個標語，上面寫住：「打擊通脹」四個字，小弟覺得都幾滑稽。
自由黨代表商界利益，核心成員係做生意既大老闆，田生本身就係大老闆，經營家族製衣生意，佢冇理由唔知，通脹對公司係好事，原因好簡單，因為一間公司賺既錢係來自收入減成本，一件衫賣100蚊，成本係80蚊，公司就賺20蚊，係通脹情況下，例如5%，一件衫就可以賣105蚊，成本(例如工資)同樣上升5%，變成84蚊，收入減成本，就可以賺21蚊，係通脹時期，公司賺更多，田生唔會亦冇能力「打擊通脹」，因為通脹係大勢，不過諗深一層，大老闆有私家車，應該唔使迫火車，「打擊通脹」應該係寫比我等大眾市民睇，都岩架，憂民之憂，爭選票嘛，不過見佢個樣"咪咪咀"，再加少少無奈既樣，又幾好笑。
講到通脹，小弟又學人講句：「一個硬幣係有兩面既。」，通脹對一部份人係來壞事，但對另一部份人係好事。通脹對低收入人仕係壞事，因為人工冇得加(供應太多)，必需品如米、肉、租金就大幅加價，收入不變而支出增加，即減少了可以流入資產既現金流；但通脤對供緊樓既人來講係好事，因為通脹既意思，係錢既未來購買力減少，因為有通脹，下年100蚊既購買力，少過今日100蚊既購買力，一般借錢供樓係借十幾、二十年，可以想像一下，十幾年前既100蚊有幾好使，今日既100蚊又如何？同樣道理，今日借200萬買樓，經過二十年既通脹既蠶食，已經唔係一個大數字，但樓價就會因租金增加而上升，一上一落，借錢買樓者係通脹之下既最大受惠者。
yy姐，
太眼訓
，個reply小弟寫左一半，聽日寫埋佢。
Danny1 & yy姐，
小弟剛放完個大暇，又可以寫吓野啦
yy姐，
每次見到有一段留言，小弟就好開心，特別係yy姐既留言，因為又有野可以寫， 今日寫篇野回一回你，請多的比意見^^。
MYSELF,
沖電回來,歡迎您. 沒您的文章,我地D小朋友,未了好多教材.
您說借錢供樓賺了通脹,係和.同意.
但您說通脹老闆是好了. 我作為一個小老闆,想從我看到的立場說一下. 您的例子,數字上是對, 老闆賺多了. 但有兩個假設是1) 通脹之成本及加幅,可完全反映及轉架於消費者上. 2) 經濟學上,加價,減少需求的情況不會明顯出現.
這兩個假設,於民心向好,經濟快速增長的年代如 80/90年代是成立的. 反正人工只有加. 貴賣,貴使. 但在今天, 情況唔太一樣, 在香港,好多零售的成本有3-5成於租金, 租金的升幅有4成至一倍多. 就算租金頂得到,物料成本大了,只可轉架少量於售價,因為一加多了立即影響需求,(件數銷量) 收入,總利潤反而因加價而跌.
其實今次通脹,而令好多經濟活動縮減 (例如,合作推廣活動少了, 請PART TIME少了, 派SAMPLE 少了,) 一個連鎖反應,金錢於市場打滾少了, 財富效應少了, 收入少了, 使錢少了,經濟自然一步步衰退, 呢D唔係讀書時的理論,是活生生在眼前.
您行街有冇發現年頭波鞋街,衣服店,食店門前的長期招人廣告消失了. 而家出去中價食店好易搵位. 但3時大家X下午茶餐,找不到位.$16吉野家牛飯,坐滿男人,
短短2個月,經濟展望是一個天堂,一個地獄. 希望油價回落,不然是苦了大家. YY太
Myself 兄:
真開心兄台終於充電回來,繼續出文.