隔空遊08書展

近幾年的書展我都會捧場，最大目的並非買書，而係探班，因為老公喺出版社做，而我以前都曾經在出版社工作過，亦參加過書展，再加上後期都幫過幾間出版社做野，所以每年書展都會去探下班。因為做書展真的佷辛苦，尤其近呢兩年係一連七日，仲要每日踩到晚上十點，有兩晚仲踩到十二點，簡直非人生活！

好多朋友以為，做書展的時間咁長，應該有輪班制，但事實大部份都係無的！因為在香港經營出版社實在很困難，好多出版社為咗慳錢，都會用人用到盡。我當年就企到腳痛，仲要睇跌打添！

呢幾日，老公朝八晚十二，星期五、六仲要凌晨成點先返到屋企，跟住仲要計數，預備第朝的零錢，每晚凌晨三點先有得瞓！唔夠瞓加上日日企兼要幫手搬書、補貨，肚腩都消失埋，眼袋則大了幾倍！

由於今年腹大便便，唔可以去幫佢手，唯有留係家中睇各網友的滙報、睇電視新聞、睇老公影番來的相吊下癮，感受下現場氣氛！不過尋日蘋果日報的蘋果批做了個關於書展的討論，還搵了老公做訪問，終於可以好清楚咁睇到佢地今年書展攤位的佈置及現場氣氛，正！

http://appledaily.atnext.com/template/apple/art_main.cfm?iss_id=20080726&sec_id=4104&subsec_id=15337&art_id=11394781&cat_id=6771675&coln_id=11331085