投資者的優勢
2008/07/29 15:47:07 網誌分類: 未分類
小弟上文寫「通脹受惠者」，講到通脹下，做老闆既會好開心，因為公司可以加價，抵銷成本上漲之餘，反而賺多左，本身係好老闆既yy姐有以下回應：
『您說通脹老闆是好了. 我作為一個小老闆,想從我看到的立場說一下. 您的例子,數字上是對, 老闆賺多了. 但有兩個假設是1) 通脹之成本及加幅,可完全反映及轉架於消費者上. 2) 經濟學上,加價,減少需求的情況不會明顯出現.
這兩個假設,於民心向好,經濟快速增長的年代如 80/90年代是成立的. 反正人工只有加. 貴賣,貴使. 但在今天, 情況唔太一樣, 在香港,好多零售的成本有3-5成於租金, 租金的升幅有4成至一倍多. 就算租金頂得到,物料成本大了,只可轉架少量於售價,因為一加多了立即影響需求,(件數銷量) 收入,總利潤反而因加價而跌.
其實今次通脹,而令好多經濟活動縮減 (例如,合作推廣活動少了, 請PART TIME少了, 派SAMPLE 少了,) 一個連鎖反應,金錢於市場打滾少了, 財富效應少了, 收入少了, 使錢少了,經濟自然一步步衰退, 呢D唔係讀書時的理論,是活生生在眼前.
您行街有冇發現年頭波鞋街,衣服店,食店門前的長期招人廣告消失了. 而家出去中價食店好易搵位. 但3時大家X下午茶餐,找不到位.$16吉野家牛飯,坐滿男人,
短短2個月,經濟展望是一個天堂,一個地獄. 希望油價回落,不然是苦了大家 』
睇完yy姐既回應，雖然小弟唔係好明，點解16蚊吉野家牛飯，坐滿既只係男人(>.
yy姐，
我唔會做保險+投資 既saving plan，最大原因係自己唔識，投資已經夠複雜，保險又好複雜，兩樣加埋跟本就睇唔明，錢任佢收，所以我只買簡易既人壽保險，月月清個隻，投資就自己攪都ok。
yy姐對員工/朋友咁好，真係好難得，不過我就好幫人開「人情保單」，因為如果佢唔岩做個行，應該盡快轉工，磨爛石都冇用，幫唔到佢一世噃。
MYSELF兄，期待中....
HANDSOME
yy姐 & Danny1，
好呀，就weekend寫。
Myself 兄 :
你好!
寫通脹 +通縮 +滯脹 來過全面睇行嗎?
myself 兄,
好呀,有時間寫下好,寫之過程中,您想,您悟,再分享. 自己都有益的. 是助人助己.
年少的您有冇,保險saving. 我從無做,因yy生是財務出身,(但買股好麻麻,心理質素比我更差).一早他己說,計劃的 5%,10%不是real growth, 不如自己買hk bank.
我自己都買了一份10萬元, 主要是個銀行主任,追唔到數,快死了, 幫她買一份. (是後後後備錢, 當放drawer 內.如果有一天,要用到,我就大wok.), 2 年了, 得好少花紅, 點計都無5%.
*註 --我有一個朋友, 就是收入身家風光時幫追數朋友買了幾份saving 保險,到97炒樓股死晒, 套反幾十萬保險plan 出來, 不用燒炭, 好人有好報的例子,笨笨地,唔一定壞.
我有一小朋友, 她供了一個大portion 之人工, 但她堅信,有5%多,可能有upside. 我都唔識用她的語言解比她說 (因為信朋友, 加上經濟及數口麻麻地, 話run 出來之報告有和).
您有文章可教下她嗎? (有時間的話). yy太
yy姐，
小弟重讀你既留言，想寫多一篇有關通脹既文。
俊男兄，
早晨俊男兄，小弟睇完你既留言，自己重讀最近兩篇文，的確有俊男兄所講既情況，有時小弟自己寫文，閉門造車，寫寫下就唔知自己寫咩，又有時想去突出一個主題，又去得太盡，真係要多多提點。
例如小弟見好多人成日講通脹點差，講到好悲觀，小弟就寫「通脹受惠者」，講下好既野，一方面想講，做老闆既，唔一定賺少左，另一方面，一般人亦可以用房地產係通脹期賺錢，不過正如yy姐所講，而家通脹環境，租金升，工人迫老闆加薪，公司辛苦經營既，先至係大多數，先至係普通現象，因通脹而賺多左既，只係少數。
又例如，小弟想講投資者，可以隨時轉移資產，比老闆同打工仔都靈活得多，自己睇返，寫到好似叫人做炒家，短炒股票，今日炒呢隻，聽日炒個呢，的確唔係小弟既原意，真係要留意下。
myself 兄,
多謝回應, 看您的文章是很開心,因為您用流暢的行文,從青年的眼光看理財,而且立段清晰.
多謝handsome 兄, 詳解, 我的意思就是這樣, 您加價,但您賣少了份數, 收入重少過之前. 而家間間快餐的下午茶都多了人. 而且重多了人叫飯食. 平午市成十元一份,2-3日可食多一餐.
而吉野家的例子是, 男人一般是大文大路d, 無女人計少數. 連他們都為慳,十元多,等3時才食牛肉飯. 可想而知,慳錢壓力不輕. 我識一個男人,他2時58分到快餐店, 為了面子, 他都一定不跟佰佰或clai排等多3-4分鐘叫下午茶, 必叫正價飯.
* 吉野家, 現是全城最平, 最飽,及最健康的下午茶. *沙士時是 $12,所以現在真的通脹了.
是的 投資股票, 好處是轉身快. 做一行生意就一定要捱過低潮. yy太
MYSELF兄，
多謝你一路的文，都非常好，及真係得益良多。
但係最近這2篇視乎主觀意願多左少少。
吉野家的例子係說明左樣野，係老闆轉嫁成本的矛盾，唔轉嫁難以經營，轉嫁左結果是否如願。以快餐為例，用營業額計，如午餐30元，要買出100份以可以開始打和或有錢賺，但現時成本高左，要加至32元一份，但是否能好似之前咁KEEP得住賣出100份？或95份(94份係加左價後的打和點)？事實上未必，因為會有部份人轉食下午茶，即係點解吉野家下午茶多左咁多男人，如KEEP唔到94份或以上，即係加左價後午市時段已蝕左本。
不過如你所講，老闆係以經營角度睇盘生意，咬緊牙關捱過這段低潮，等下個高潮。但投資者的角度唔係。
不過咁，事實上有多少投資者(或股民)可以低買高沽？可以準確換馬？做到咁頻繁炒出炒入的而可以成功的有幾多人，我諗真係萬中無一。反而蝕錢的會佔大多數。
有錯請指正。
HANDSOME