係事實先好講
居然有電台主持睜大眼講奧運馬術無人睇,佢拍檔仲話梗係啦,無得賭吖嘛!
如果呢個係笑話節目,容許亂講嘢,仲情有可原,但若是晨早時事節目,就算腔調想輕鬆一點,都應該講事實,亂講就是主持不專業或不尊重節目和聽眾的表現。
信口開河已成為近年某些人的趨勢,根本不去查證事實──就算在周一未加推馬術門票之前,我在周日上過中旅社獨家發售馬術門票的網站,十三場中已爆了十一場,而剩下兩場的早場盛裝舞步初賽,都只餘五百以下的位置,換句話說,全部馬術門票(超過二十萬張),除了周二才最後推出的一萬四千張,其餘十八萬幾張之中,只剩少於一千張未賣,咁仲話馬術項目無人睇?
大家看到周三才賣加推票,周一在旺角已大排長龍,而周二上午決賽票已全售罊,我秘書網上訂初賽票,揀幾場都滿晒──香港人支持奧運的熱情真的沒法擋。
無得賭便無人睇?乜嘢邏輯?我相信那位主持連馬場都好少入,乜有得賭就一定受歡迎咩?跑馬地夜馬夠場場有得賭啦,又唔見次次有超過萬八人(馬術場館入場人數上限)入場?
邊個電台主持咁無料到? 咁既野都講得出! 真係不知所謂!
馬術好睇, 若我有時間我都會買票睇, 只係時間問題, 希望電視台會播多d啦!
吳嵩﹕
唔好勞氣, 話唔定嗰個真係搞笑節目哩!
香港市民支持北京奧運, 支持香港協辦奧運馬術賽, 熱情高漲, 有目共睹。
事實歸事實, 唔會因為某些人胡言亂語而有所改變!