長篇劇本故事: 孔慶羊求愛啟示錄 第十七幕
(夜晚, 孔慶羊面踵左咁同化左妝既薛可棋行街)
(孔慶羊坐o係度拿住份文件同薛可棋傾)
孔慶羊: “呢份o係佢既文件, 妳睇下先啦.”
薛可棋: “我唔識英文架, 你講俾我聽啦.”
(孔慶羊指一指文件)
孔慶羊: “呢度講左佢o係公司度既表現, 而家月入九萬幾蚊呀.”
薛可棋: “佢有錢係人都知啦. 有無d特別d架?”
孔慶羊: “佢下屬既名都列左o係度喎, 有溫人笨, 溫黎講同溫著數喎.”
薛可棋: “點解個個都姓溫既? 唔通呢d全部o係佢既親戚?”
孔慶羊: “但係點解佢要請晒佢d親戚呢?”
薛可棋: “方便做野卦. d黃馬掛梗係幫番自己人架喇.”
孔慶羊 (驚訝): “仲有仲有, 呢度有幅相喎.”
薛可棋: “你識架? 係邊個黎架?”
(孔慶羊閉著眼鄒著眉在諗)
孔慶羊: “好熟口面…..我知喇!”
(孔慶羊拿出章少米既咭片)
孔慶羊: “呢個咪章少米囉.”
薛可棋: “妳識架? 不如我同妳去佢舖頭打探下啦.”
孔慶羊: “唔好, 好危險架, o個個女人好犀利架. 等我去啦.”
(一個賣花女人在經過)
賣花女人: “兩位o係度拍拖牙, 賣支花送俾女朋友啦.”
孔慶羊: “乜野花黎架?”
賣花女人: “係紅掌黎架, 唔係度度有得買架.”
(賣花女人望清楚兩個人)
(辟可棋化左妝好靚, 孔慶羊塊面踵左o個樣好傻)
賣花女人: “咦, 睇真d你地真係好登對喎.”
孔慶羊 (傻笑): “係….係咩? 我都未聽過人咁講既. 你講野都好出位喎.”
賣花女人: “唔出, 第二時你地映結婚相記得send番幅俾我呀.”
薛可棋 (嬌o真大聲): “我地係朋友咋. 妳咁“吹水”邊會有生意架.”
(薛可棋知道自己講野粗俗左, 立即緊張咁雙手掩住個口)
(孔慶羊伸手拿左一支紅掌)
孔慶羊 (笑笑口): “我買一支喇.”:
賣花女人 (興奮): “妳睇下, 妳男朋友肯俾錢即係buy我啦. 我講事實架咋.”
(賣花女笑著說“我講事實架咋”時望住孔慶羊講)
(孔慶羊拿出一張100蚊紙, 俾賣花女人)
孔慶羊: “100蚊唔駛找喇.”
賣花女人 (開心): “多謝晒喎.”
(賣花女人開心地行左去)
(孔慶羊望著薛可棋)
孔慶羊 (微笑): “送俾妳架.”
薛可棋 (含羞地笑): “我係唔開心, 但係你唔駛浪費錢黎“乙水”番我喎.”
孔慶羊 (微笑): “唔好咁婆媽喇下. 黎, 當我係好朋友就收左佢喇.”
(薛可棋微笑想一想)
(薛可棋接過左花)
(孔慶羊跳起來, 高舉雙手令著腰在跳著泰國舞)
(薛可棋望住佢笑了起來)
(薛可棋收起笑容, 佢望住支花, 若有所思, 佢又微笑望向孔慶羊)
(孔慶羊好陶醉咁閉上眼繼續跳舞, 渾然不知)