長篇劇本故事: 孔慶羊求愛啟示錄 第十九幕

各位好朋友, 因為第十八幕不見了. 所以post了第十九幕繼續, 如帶來不便, 對不起. 至於第十八幕的劇情, 就是孔慶羊去左章少米間舖, 點知玩玩下那些精品, 其中一件精品噴水, 所以他的褲子濕了. 於是章少米帶了孔慶羊回她家. 

第十九幕 

(章少米同孔慶羊在一間大房中)

(章少米用風筒吹著褲子, 孔慶羊就穿著裙坐在床上)

(條裙好緊, 孔慶羊好唔自然)

章少米 (微笑): “你唔舒服咪鬆開裙扣囉.”

孔慶羊 (死頂): “唔駛喇, 佢“好”岩身喎.”

(孔慶羊o係講個“好”字時特別加重語氣)

孔慶羊: “係呢? 妳一個人住呢間屋慣唔慣架?”

(章少米輕輕撥一撥頭髮)

章少米 (微笑): “唔慣都要慣架喇. 不過有時返到黎, 都會有一種好寂寞既感覺架. 做乜野呀? 你想搬入黎?”
 

孔慶羊 (立即): “唔…唔駛喇.”

孔慶羊: “妳咁靚無理由無男朋友架喎?”

章少米: “我之前既男朋友仲係靚仔黎添, 但係靚仔無本心. 傷心過一次, 就再唔信d靚仔喇.”

孔慶羊 (試探): “佢…叫做乜野名架?”
 

章少米 (警覺): “又關你事, 你接近我好似唔係買野咁簡單喎.”

孔慶羊 (作狀): “鴉, 妳張床襑都好軟熟喎.”

(孔慶羊上下移動咁坐張床襑)

章少米 (緊張): “喂喂, 小心張床呀.”

(孔慶羊笑著停了下來)

章少米: “你唔駛轉移話題喇. 你想聽咩我盡量講俾你聽啦. 你傻頭傻腦咁應該害唔到我既.”

孔慶羊 (笑笑口): “妳識唔識得溫笑倫呀?”

章少米 (少少憤怒): “o個個發溫咪係我前男朋友囉. 唔好再提佢喇. ok?”

孔慶羊 (緊張): 佢好衰架?”

章少米: “何止衰? 佢簡直係變態架. 喂, 唔好再問喇, 唔幫你吹乾條褲架.”

(章少米揚一揚褲)

章少米: “得喇, 換番條褲先啦.”

(孔慶羊伸手拿褲, 點知條裙跌左落黎)

(孔慶羊立即掩著重要部位)

孔慶羊 (尷尬): “sorry呀.”

章少米 (輕佻): “唔, "that" ok!”

(章少米講"that"字特別高音)

(孔慶羊張開口不知所措)