長篇劇本故事: 孔慶羊求愛啟示錄 第二十幕

(爸爸, 薛可棋同孔慶羊o係屋企坐在飯桌前食飯)

爸爸: “點呀, 我d手勢好唔好呀?”

(孔慶羊食到津津有味)

孔慶羊 (開心): “好正呀! 我從未食過咁好味既住家飯架.”

爸爸 (開懷): “咁就唔駛俾面我, 食多d喇.”

爸爸: “我去筆多碗湯先.”

(爸爸拿著碗行左出去)

薛可棋 (細細聲): “你同o個個女人傾成點呀?”

孔慶羊 (大大聲): “妳話章少米呀?”

(薛可棋將手指放o係嘴邊)

薛可棋: “咪咁大聲啦, 我唔想俾爸爸知道我d感情事呀.”

孔慶羊 (細細聲): “佢淨係話老頂係佢ex-boyfriend. 講到好似好憎佢咁. 佢仲話老頂變態架.”

薛可棋 (細細聲): “咁你覺得仲可唔可以o係佢度探口風呀?”

孔慶羊 (細細聲掩住個嘴): “而家佢係唯一既線索, 我一定會釘緊佢既.”

(爸爸拿著湯回來)

(孔慶羊同薛可棋扮晒野收聲)

孔慶羊 (大大聲): “床前明月光, 疑是地上湘.”

(爸爸笑著坐低)

爸爸 (笑笑口): “嘩, 乜詩興大發呀? 我o個日唱k都話你係詩人黎架喇.”

薛可棋: “爸爸, 表妹係咪結婚呀?”

爸爸 (微笑): “係呀, 佢地拍左4個月就結婚喇, 真係閃電都無咁快呀.”

薛可棋: “咁就唔o岩我feel喇. 我覺得應該拍耐d拖先至諗結婚既問題.”

(孔慶羊立即放低碗, 舉起手)

孔慶羊 (笑笑口): “贊成!”

爸爸: “但係只要大家有感覺咪得囉, 時間唔係問題黎既.”

薛可棋: “拍拖除左有感覺外, 仲應該互相了解架. 如果唔係咪好兒嬉.”

(孔慶羊又舉起手)

孔慶羊 (笑笑口): “贊成!”

爸爸 (笑笑口): “嘩, 詩聖, 做乜你地今日一唱一和呀, 唔通你地…..”

薛可棋 (立即): “咪亂諗呀!”

孔慶羊: “我地無野架. 細伯唔駛太多心架. 而且, 我都想建立好事業先, 再諗結婚既問題.”

爸爸 (笑笑口): “詩聖講得好. 今日大家咁開心, 我敬你地一杯.”

(三個人拿起杯乾杯)

(孔慶羊同薛可棋互望微笑)