解決小肚腩

    還有兩天，就要演出，好緊張呵！昨天穿了舞衣採排，好友Dr. Tin的老公及朋友為我們拍一些採排照作紀念，雖然近日海琳已經fit咗好多，但靚女Dr. Tin(雖然已有兩個小朋友，但佢擁有一副舞者身形)一見到海琳馬上說要替我想想辦法收埋個小肚腩，有同學竟然suggest我效法嘉玲姐做法...即出show前24小時不吃東西...吓！唔係呀嗎？胃痛咪仲衰？我寧願留點小肚喇！阿Q啲諗，又唔係做主角，又唔係要做專業舞蹈員，唔駛太perfect，只要享受當中整個過程便行了！希望將會看演出的觀眾不要介意吧！