長篇劇本故事: 孔慶羊求愛啟示錄 第二十五幕
(薛可棋同孔慶羊坐o係海旁)
薛可棋: “咁即係話佢好咸濕喇. 呢個我知鴉.”
孔慶羊: “唔止架. 我估佢仲去賣老番添. 唔係點會拿一大袋番黎鴉.”
薛可棋: “點會咁架. 你話我男朋友做d犯法既事?”
孔慶羊: “唔出奇架. 不過我會再查清楚先.”
薛可棋: “咁真係唔該晒你呀. 我都唔知點報答你呀.”
孔慶羊: “唔駛咁客氣架喇.”
薛可棋: “不如咁啦, 你有乜野想我幫既, 或者有乜野心願既, 講黎聽聽啦.”
孔慶羊: “真係要講?”
(薛可棋微笑點點頭, 孔慶羊想一想)
孔慶羊 (笑笑口): “我身痕.”
薛可棋 (微笑): “你唔係想我質你幾拳卦?”
孔慶羊 (尷尬): “我背脊痕呀. 妳可唔可以幫我抓一抓呀?”
薛可棋 (微笑): “當然無問題啦.”
(辟可棋幫孔慶羊抓背脊)
(孔慶羊閉上眼好enjoy既樣)
薛可棋 (微笑): “問你條iq題鴉. 點解黑人唔可以食黑色朱古力?”
孔慶羊 (笑笑口): “係咪佢覺得食黑色野有種俗歧視成份呀.”
薛可棋 (微笑): “你係大學生o者, 都唔駛諗到咁深架.”
孔慶羊 (笑笑口): “咁答案係乜野呀?”
薛可棋 (微笑): “佢驚睇唔清楚咬親自己隻手指囉.”
(孔慶羊同薛可棋笑左起黎)
孔慶羊 (笑笑口): “好, 不如我問妳啦.”
薛可棋 (微笑): “放馬過黎啦. 未驚過.”
孔慶羊 (笑笑口): “d負資產既人對住銀行最鍾意講乜野? 估一種昆蟲名.”
薛可棋 (嬌o真): “乜你出d題目都咁深架?”
孔慶羊 (笑笑口): “答案好淺架咋. 你估下啦.”
薛可棋 (嬌o真): “唔估呀, 你開估啦.”
孔慶羊 (笑笑口): “咪“蜈公”囉.” (即”唔供”)
薛可棋 (驚笑): “哎呀, 乜真係咁淺架. 哎呀, 我真係蠢呀.”
(辟可棋拍下自己個頭)
辟可棋 (微笑): “好, 我再問你……………..”