長篇劇本故事: 孔慶羊求愛啟示錄 第二十六幕
2008/08/13 15:48:39 網誌分類: 寫作
(孔慶羊行街)
(一班黑幫人仕o係度劈友)
(兩幫人追追逐逐, 衝到孔慶羊處)
孔慶羊 (張開手臂大聲): “呢個係法治既社會. 你地停手啦.”
(其中一個大漢睇佢唔順眼)
大漢: “咁多口? 斬埋佢.”
(孔慶羊好騎呢咁避開左)
(幾個大漢追住佢黎斬)
(孔慶羊發狂咁走, 走左入後巷)
(一隻手伸出來, 從後面捉住左孔慶羊)
(o個隻手拉左佢埋一邊)
(d大漢見唔到佢, 走左去)
(孔慶羊回頭, 原來o個個係八姑)
(八姑笑笑口)
第二十六幕B
(街上, 八姑同孔慶羊在行著)
孔慶羊 (微笑): “妳點解會o係度既?”
八姑 (笑笑口): “天機不可洩露. 點呀? 你查溫笑倫d料查成點呀?”
孔慶羊: “ok啦. 而家仲有條線跟緊, 係一個女人黎既.”
八姑: “你最近桃花好重, 小心行事喇.”
孔慶羊 (驚喜): “係咩係咩? 我而家都鍾意緊個女仔. 有無機呀?”
八姑 (笑笑口): “我以為我八o者, 原來你仲八過我.”
孔慶羊: “終生大事痳. 梗係緊d架啦.”
八姑 (笑笑口): “我係掃地架咋, 你當我係拉紅線o個d呀?”
(孔慶羊笑笑口)
回應 (0)
我要發表