長篇劇本故事: 孔慶羊求愛啟示錄 第二十七幕
(孔慶羊去到章少米既舖頭)
(一個男人色迷迷咁望住章少米, 章少米神色好唔自然)
(孔慶羊行埋去, o個個男人施施然行左去左)
章少米 (回復微笑): “乜咁坐檔呀? 唔係卦住我鴉痳?”
孔慶羊 (笑笑口): “梗係掛住妳啦. 見妳有d得閒專登黎打聲招呼架.”
章少米 (微笑): “咁即係話我無生意o者.”
孔慶羊 (笑笑口): “唔敢唔敢. 妳d貨咁出人意表, d精品仲識噴水既, 梗係好銷量架喇.”
章少米 (微笑) : “搵我有咩野事呀? 你黎得一定有事要我幫你架喇.”
孔慶羊 (笑笑口): “聰明! 我有d野想問妳架.”
章少米:: “係咪同溫笑倫有關?”
孔慶羊 (笑笑口): “真係乜都俾妳睇穿晒喎. 我其實想問, 溫笑倫係咪走私咸濕vcd架?”
章少米 (大驚): “你點知架? 你問呢d黎做乜野呀?”
孔慶羊: “前日我幫佢過關拿貨, 點知個袋裡面全部都係咸vcd. 有一隻仲叫做桃色2之姣婆四添.”
章少米 (大驚): “你有無睇過呀?”
孔慶羊: “我梗係無啦, 咦, 點解妳咁緊張既.”
(章少米衝衝忙忙關上舖頭的門)
(孔慶羊好奇咁望住佢)
孔慶羊: “究竟乜野事? 妳講黎聽啦.”
章少米 (緊張): “溫笑倫佢變態架, 佢真係變態架!”
章少米: “我同佢發生關係o個晚, 原來佢將成個過程拍低左落黎呀.”
孔慶羊 (錯愕): “點會咁架? 佢拍黎做乜?”
章少米: “出vcd囉. o個套桃色2個主角咪係我囉.”
孔慶羊 (驚訝): “唔係下馬? 佢咁都做得出既?”
章少米: “最近有好多男人都黎我舖頭. 佢地個樣好咸濕咁望住我. 我懷疑佢地睇過隻vcd呀.”
孔慶羊 (激動): “告佢啦. 呢d衰人唔可以縱容架!”
章少米: “佢好有錢架, 我邊告得佢入鴉. 而且咁樣咪即係抓爛自己塊面.”
章少米: “你唔好同人講呀, 呢個秘密淨係得我同你知架咋.”
孔慶羊 (正氣): “明白. 不過我一定會同妳討回公道既.”
章少米: “多謝你呀. 你今晚得唔得閒呀?”
孔慶羊: “得, 做乜野呀?”
章少米: “心情唔好 , 可唔可以陪下我?”
孔慶羊 (微笑): “無問題啦.”