劍擊。股巿

尋晚睇左女子團體劍擊, 中國真係好可惜, 差一劍就可以攞到金牌…話說回來, 起初我都唔明劍擊係點計數, 因為好多時對方都同時擊中對方, 但只有一方有分, 睇睇下發現, 原來佢係分攻擊得分與防守得分, 防守0個方如果係攻擊0個方未作出攻擊之前擊中對方都唔會有分, 咁第一次點知邊個攻擊先呢? 就要睇邊個夠快夠狠, 好多時評審會睇邊個選手既攻擊意圖強為攻擊0個方, 所以一次比賽要睇好多D帶, 慢動作咁分析…

我同大家分享劍擊, 同股巿有咩關係呢? 原來股巿同劍擊十分相似, 如果你明白箇中道理, 將會對你技術分析既技巧有所得著; 股巿既升勢跌勢, 其實反映出係好友OR淡友進攻緊, 而另一方就要防守, 可能你會話, 有時大巿一日升幾百點, 一日跌幾百點喎, 咁係邊個攻邊個守先?

其實要睇清楚並唔難, 最簡單既方法可以睇20天線 & RSI, 當RSI 低於50, 而又跌穿20天線, 代表淡友開始攻勢, 一輪既攻勢通常會有反覆, 所以RSI 由低位反彈至50時, 如果升唔穿既話, 代表新一輪既升勢未開始, 而我地炒牛熊既人亦會係大巿上到二十天線/RSI 上到50附近減持一半

講返大巿, 可能大家會覺得好奇, 點解美國又升, A股又升, 扁扁跌到阿媽都唔應得? 除左我之前所講好友已經將防守線退到20500之前, 大家睇返恒指既RSI,  一日未跌到落30/below 30, 一日都未算完成, 所以我幾日前就預警大家小心, 就係發覺恒指穿左20天線&rsi 50.

希望大家學到點樣運用呢個技巧去睇巿, 咁就會知道幾時撈低, 幾時止蝕比較安全