萬八與萬二之辯
明明肉眼見到公眾看台在三項賽最後一天的場地障礙賽幾乎爆場,以為入座有一萬八千人(最高入場人數),怎料最後官方公布數字仍為一萬二千人左右。當然頭兩天部分傳媒以一千及萬二的數字就「砌」馬術公司,話奧馬少人睇兼悶,但原來真正的情況與他們「想像」的大有不同。
公眾席不錯是坐滿,但奧運大家庭及貴賓席裡,原來有部分尊貴的議員和貴賓無到場,而可容納三千人的傳媒看台,不少座位空空如也,而且有好幾行預留給指定傳媒的有蓋座位,亦全場都無人坐。還有,一萬八千是全場總人數,這包括選手和職員等走動人士。萬一萬二只是付了錢的觀眾,已是多得很!
咁馬術公司就被人鬧得好冤枉喇!
明明係傳媒(包括外國)及部分VIP請都唔到,就向馬術公司扣帽子話香港公眾不歡迎馬術。周二晚公眾席坐無虛席的情景我已拍下來,這只是賽事的第四天情況,相信到了最後幾天,會更上一層樓,而頒獎的那兩天相信VIP大部分也會自動蒲頭證明自己存在。唔知到時會唔會多啲傳媒呢?
大局已定, 中國第一 !
http://www.hkheadline.com/blog/reply_blog_edit.asp?f=SCJYHEB5PV54662&id=129897