長篇劇本故事: 孔慶羊求愛啟示錄 第三十幕
(溫笑倫出左office房門)
(孔慶羊跛下跛下咁背著背狼入去)
(孔慶羊番查溫笑倫既file)
(孔慶羊用鐵絲開櫃桶, 然後拿出一份文件睇)
(孔慶羊面上表情好奇怪)
孔慶羊: “點解呢份文件咁既?”
(孔慶羊立即將o個份文件影印)
(映左幾張)
(一個女人在敲門)
(孔慶羊立即將影印本放入背狼, 再將文件放回原位)
(孔慶羊扮著溫笑倫既聲音, 佢扮得好似) (remark用溫笑倫配音)
孔慶羊: “我唔係好舒服, 妳下次黎啦.”
(女人開門衝衝入左黎)
女人 (憤怒): “溫笑倫, 你個賤格佬避到幾時呀!”
孔慶羊 (大驚): “妳搵老頂牙? 佢唔係度喎.”
女人: “你做乜係度架? 你係咩人黎架?”
(孔慶羊起身跛下跛下咁行兩步)
孔慶羊: “小姐妳定一定神先. 我係呢度既獸醫. 隻腳痛咪入左黎坐下囉.”
女人 (憤怒): “你幫我話俾佢聽, 等住接律師信啦!”
孔慶羊: “而家乜野事先, 妳告佢乜野呀?”
女人 (憤怒): “佢呃左我d錢呀. 仲欺騙我既感情添.”
孔慶羊: “佢真係咁衰牙. o拿, 妳無證無據, 我都係幫我老頂架咋.”
女人: “o個個男人“乙水”左我上床, 然後又話合資攪生意. 諗住佢鍾意我, 咪應承佢囉. 點知佢會穿櫃桶底既o者.”
孔慶羊: “我會幫妳跟進呢件事架喇. 我同佢講啦. 妳走先啦.”
女人 (憤怒): “我要等佢返黎. 見唔到佢我唔走架.”
(溫笑倫o係門口)
溫笑倫 (憤怒): “你個八婆攪乜野呀?! 我要返工做野架!”
女人 (憤怒): “仲好講. 打俾你又唔聽, 上你屋企又唔開門. 你想逃避到幾時呀?”
(溫笑倫望一望孔慶羊)
溫笑倫: “你出去先啦.”
(孔慶羊行左出門口, 溫笑倫大力咁關埋門)
(孔慶羊貼著耳o係門外偷聽, 裡面好噪)
(孔慶羊聽聽下, 發覺隔離有個人)
(孔慶羊大驚一望, 原來係八姑, 佢拿著掃把)
孔慶羊: “八姑, 又係妳呀?”
八姑: “咪噪啦, 聽野聽野.”
(門打開, 女人隻眼踵左咁走出黎)
(孔慶羊立即轉身就行, 八姑扮掃地)
(孔慶羊望著女人行左去)