一個blog - tag
2008/08/21 00:01:59 網誌分類: 遊戲
- 被開心莎莎貼中
作為博裡友情交流
偶一為之
接個tag玩玩亦是無妨
祇因近來太忙
遲了貼出
莎姐唔好見怪
遊戲規則如下:
被點的名字請像我一樣回答問題,
並發一篇日誌在自己的網誌上!
所有的問題都要回答,
最後刪除一條不喜歡的問題,另出一條問題代替。
點名者不得拒絕回答問題,
然後到這10位朋友的blog留言通知對方,
再繼續參與遊戲!
問題正式開始:
1) 最討厭是什麼人?
表面扮好人,其實心狠手辣
2) 你鍾意咩活動/運動?
打麻雀、耍太極、唱粵曲
仲有練精學懶
3) 到目前為止, 有乜令你最難忘?
中蝦的老師要見家長
她給我看他的一篇作文“我的家庭”
文中所形容的母親是:「我的媽媽是殺人皇」
所以老師要見我
看看我是否一個殺人犯~~呵呵
現在的世界咁亂,搵食又艱難
家教深嚴
祇想佢地好好讀書
是否方法用錯了?
4) 你想做男仔多定女仔多?
梗係做女仔啦
男仔要出去搵食養家架
女仔就响家裡做小奶奶
男人賺錢女享福~~~呵呵
5) 喜歡一個人你會主動追求嗎?
我呢個師奶好現實
要我主動追求
咁要睇吓佢有無高檔職業年薪數以百萬計先
係唔係博士先
同埋有無財富先
我唔係咁隨便架
6) 最希望理想情人擁有的五個條件 ?
A).要有李嘉誠的社會地位和財富,用錢可以洗腳唔抺腳
B).要有梁朝偉的迷人眼神和面孔,同他出街時可以嬴到羨慕眼光
C).要有林家聲的溫柔腔調,同佢嗌交時都好似唱歌咁好聽
D). 要有大隻佬的強壯臂彎,廣濶胸襟,我撩事鬥非時都無有驚
E).我所有缺點佢要當作優點,我話一佢不能說二
情人的條件係咁上下啦
男朋友和老公的條件就……當然有分別
7) 結婚後想生幾多個細路?
一打咁上下啦
男多就組足球隊
女多就開舞廳~~~呵呵
8) 到現在為止最遺憾的事?
未曾中過六合彩頭奬
不能攞一千幾百萬銀紙用燙斗慢慢燙吓佢
9) 如果您中咗六合彩頭獎,會做d咩№?
唔理咁多
請番三、五、七個工人先
我最鬼憎買餸煮飯洗地燙衫
第一件事梗係唔想做家務搵人斟茶遞水揼骨按摩啦
10) 如果下世投胎有得比你揀你會揀做咩?
做上帝
我要話晒事
11) 如果能去到未來, 你會選擇那個階段?
x家有女初長成,養在屋邨人未識
一朝選入富豪家,發達囉,唔駛捱……
所以嘛
當然係未嫁個陣時啦
12).開班教馴夫術,唔知有無得做?
這個搵錢大計,自從我簽紙個一刻開始就有此計劃
但不知整體成本效益如何
有無錢賺呢
但我一直都計唔到個結算表
為了延續遊戲精神
無論識得我或唔識得我的博友
幫幫忙
請自動自覺接tag
然後擴展下去
多謝
ballblue﹐
我都係講心底說話,若然細心考慮才回應,答案才值100分……
你都好細心考慮答wo, 100分
霏~楠﹐
理想情人喎,唔要求嚴謹,對自己唔住架……
當我初次聽到老師給我看「我的媽媽是殺人皇」時,真是啼笑皆非,不過從此,我對佢地都放寬咗,可以被佢地講吓數,亦多咗玩耍時間,週不時仲同佢地去郊遊,去食野,去迪士尼同反斗城……哈哈
開心莎莎﹐
你都很認真地寫回應啦,我又點敢偷懶呀……
「我的媽媽是殺人皇」哈哈。
妳對理想情人咁多要求既..........
謝謝你啊~
看得出你很認真地回應所有答案!