長篇劇本故事: 孔慶羊求愛啟示錄 第三十四幕A, B

第三十四幕 A

(孔慶羊去左行山)

(微風輕吹)

孔慶羊: “行山真係好舒服呀.”

(孔慶羊壓著腳, 做緊熱身運動)

(章少米來到孔慶羊旁)

章少米: “乜原來你都鍾意行山架?”

孔慶羊 (大驚): “乜妳又係度架?”

(章少米同孔慶羊一齊行山)

章少米 (微笑): “咦, 妳隻腳好番晒喎.”

孔慶羊: “好番喇. 都係多得妳d藥油喇.”

章少米 (微笑): “o個支藥油好多男人都用過, 真係好好架.”

(孔慶羊誇張地打個冷震)

章少米 (憂愁): “不過, 佢地一個都無留低. 最後, 我咪又係一個人.”

孔慶羊: “妳拍過好多次拖架喇?”

章少米: “十幾次喇. 讀書時好多男仔追我架. 而家回想起黎, 讀書o個陣拍拖真係簡單得多. 出左黎做野, d人變得好功利. 佢地唔係貪我有錢, 就係鍾意我身材好, 想同我上床.”

孔慶羊: “妳唔好咁灰喇. 呢個世界仲有好多好男人既.” 

章少米 (微笑): “真既咩? 你係咪其中一個?”
孔慶羊 (微笑): “妳覺得呢?”

章少米 (微笑): “你都係想我讚你o者, 唔駛兜咁大個灣架喎.”

孔慶羊 (微笑): “妳可以話我唔係架. 把口o係妳度. 我點改變到妳講乜o者.”

章少米 (微笑): “我唔會講既. 我會用行動表達出黎.”

(章少米除下背囊)

孔慶羊 (嚇親): “妳咪亂黎呀, 我….我嗌架.”

(章少米拿了一件三文治出黎)

章少米 (微笑): “食三文治都嗌?”

(孔慶羊傻笑, 接過三文治, 一口咬落去)

第三十四幕 B

(天開始暗)

(章少米同孔慶羊在行著山)

章少米 (緊張): “死啦! 就黎天黑喇, 仲唔出到去會唔會有事架?”

孔慶羊: “唔會既, 好快出到去架喇.”

(天更加暗)

章少米 (緊張): “又話好快既. 出唔到去點算呀.”

孔慶羊: “好快好快架喇.”

(天暗晒)

章少米 (緊張): “睇唔到野喇. 不如報警啦”
孔慶羊 (緊張): “我地都唔知o係邊, 報警都無用架.”

章少米: “不如拖住手啦. 唔係我地失散埋就仲大件事呀.”

孔慶羊: “咁……..”

章少米: “你到依家都仲介意牙?”

(孔慶羊慢慢拖著章少米隻手)

(章少米同孔慶羊o係樹旁)

(佢地坐低)

(好夜, 月光高掛天上)

(章少米握著孔慶羊隻手挨o係佢膊頭睡著)

(孔慶羊也睡著)