情陷辦公室-54

是我？是我令Lucy選擇逃婚？我應該興奮嗎？又或許我害了她一生的幸福？我該做什麼反應。請指教。

就在這個千鈞一髮的時刻，我的電話響起來。是那個鬼混在這重要時刻找我，一看，原來是April。想一想我已有個多月沒有接到她的來電了，不過，她卻偏偏在最不應找我的時間來找我。不知是甚麼原因，我很害怕接她的電話，不是因為我和Lucy一起有罪惡感，而是她的性格，她每次來電，第一句總是問我在那裡。男人就是這樣，人家問你在哪裡總是覺得被侵犯了私隱似的。然後她就會向我提出一個要求，例如趕快去陪伴她，又或是幫她買什麼東，幫她上網查什麼西。

我毫不猶豫，關掉了手機。多涼快。

我笑道：「哈哈... 熄左佢唔駛聽。」

Lucy：「嗯！」

「呀.... 咁..... 你走左咁佢點算？」

「佢即刻飛黎香港，問我點解！我話我唔鍾意佢。」

「嗶... 你咁直接，好Hurt佢喎！」我自覺有點兒輕浮了。

「原來一個男人，衰起上黎，真係咩都做得出！」

「唔係個個男人都咁衰既！佢點衰法？」

「佢問我係唔係鍾意左第二個，我話唔關第二個事，佢問左我好多野，我都答得佢幾冷淡，之後，佢竟然話裸番以前送比我d禮物，幾衰呀！」

「咁又真係衰左d！我眼中個大老板，係公司好擺款，唔似咁縮骨喎！」

「佢可能好嬲啦！我都好嬲！我嬲起上黎走左去。」

「咁佢仲有冇搵妳？」

「仲有搵一、兩次，不過我冇聽佢電話。」

「咁你屋企人點呀，飛晒過去觀禮？」

「冇，我就係早兩日番黎stop住佢地唔好出發。」

「哦，都好d。」

我和Lucy你一句我一句，就像以前一樣，氣氛相當好。可能Lucy將所有的事情說了出來，表現開懷了很多。正當我們談得火熱之際，我忽然感到在街上有一股殺氣，我穿過玻璃望出去，發現有一女子站在街上一言不發地怒視著我，是誰派來的密探？等等，....，天啊！我沒看錯吧！原來是April！我的心差點掉了出來！