情陷辦公室-55

如果我走出門外與April解釋，Lucy看看我倆的表情，不難了解是甚麼回事，不行。那我可以借說去洗手間，然後從後門走，我更可以大方一些，起身叫April進來坐下。

我在六神無主之際，但Lucy已發現了，並說我是否有朋友在門外，我沒有辦法了，唯有請April入酒吧。

我：「呢位係April，公司同事。」同事？應該沒有不妥，因April平時都不想公司同事知道我們的關係。

「妳好，April，我係.....」Lucy有禮地向April打招呼。

「Lucy麻，唔駛介紹喇。我係Steve屋企見過妳D相。」April很不客氣地斷了Lucy的話。

聰明的Lucy已感到少少不妥了，當April坐下後，Lucy便借故去洗手間離開一會兒。

「要唔要叫杯野飲？」

April的樣子難看極了，重語氣地問我：「Lucy返左黎幾耐？」

「好似半年喇。」

「係你搵返佢定佢搵你？」

唉！我今天真不想發第二次脾氣，我仍將怒火壓著。「嚴格黎講係佢搵我。」

「你地見番幾耐？」

「今日第一次。」

「第一次？佢返黎半年妳地見第一次？」

「係第一次，妳唔信都冇辦法。」我語氣有少許不滿。

「你以前唔會咁同我講野，點解會咁？」

我沒有作聲，只是望出窗外的街景。

「你係唔講野呀...」

我沒有回應。

April一怒下就走了。Lucy可能待April走了才回來，「你個同事走了？」

我看見Lucy，不自覺又笑了，「係啦，佢心情唔多好。」

「佢好似心情唔好係因為嬲你喎，大情聖！」Lucy笑道。

「喔.... 更係唔係啦，咪亂講啦！」

April的出現，令本來靠近我的Lucy都坐得有些距離。我們離開了酒吧，Lucy竟說自己回家好了，我不勉強，只送了她上的士。我乘地下鐵回家不斷想與April的日子，開始與結束，我都控制不了，也都不是我想的。

但想到能夠見回Lucy，心裡又多興奮！