長篇劇本故事: 孔慶羊求愛啟示錄 第三十六幕B
(溫笑倫追過去, 一拳打落孔慶羊膊頭)
(溫笑倫追住孔慶羊打)
(孔慶羊還手, 兩人扭作一團)
女仔1,2,3 (大聲): “哨牙仔加油, 哨牙仔加油.”
(薛可棋拉都拉唔住溫笑倫)
(爸爸來到, 佢好緊張咁走到辟可棋身旁)
爸爸: “女, 做乜野事呀?”
辟可棋 (心急): “孔慶羊同個衰人打架呀! 你快d幫佢手啦.”
爸爸: “仲幫? 報警啦.”
(爸爸拿出電話)
(一把聲音傳過來, 原來係o個日拿走左本咸書o個個警官, 仲有佢助手同埋八姑)
警官: “唔駛喇. 警察咪o係度囉..”
(助手走埋去)
助手 (大聲): “我地係差人, 你地立即停手.”
(孔慶羊立即停手, 溫笑倫沒有停手, 兩個警察打左溫笑倫一陣, 然後捉住佢, 溫笑倫口踵面踵)
(孔慶羊望一望八姑)
孔慶羊: “八姑, 妳黎呢度做乜野呀? 好危險架! 因住老頂打埋妳呀.”
八姑 (笑笑口): “後生仔, 你唔好睇少我呀. 我係非一般既掃地阿審黎架.”
警官 (笑笑口): “八姑係我地條針, 專查溫笑倫做馬既案架.”
溫笑倫 (大聲): “你地有乜資格話我做馬呀. 我唔驚你地架.”
警官: “我地已經由八姑手中掌握左証據喇. 有晒料架喇. 去到警局你咪知囉.”
女人: “佢仲偷我錢呀, 我跟你地返去.”
(章少米衝衝趕黎, 去到孔慶羊旁邊)
章少米: “有人告佢我又告.”
孔慶羊: “o岩架, 告左佢後可以挺起胸膛做人架. 反正咁多人睇過隻碟啦.”
警官: “帶晒佢地返差館.”
(警察走過去扣上溫笑倫手扣)
溫笑倫 (激動): “你地好野. 我一定唔會放過你地架!”
警官: “告多條恐嚇罪.”
助手: “yes sir.”
(警官走到孔慶羊旁)
警官 (細細聲笑笑口): “今晚有大把碟睇. 你幫我地破左案, 不如一齊睇啦.”
孔慶羊 (尷尬): “唔睇喇. 你留番俾d伙記啦. 但係我有份帶d 碟過關架喎, 會唔會坐牢架?”
警官 (笑笑口): “你幫我地破左件大案, 又咁年青有為. 我地點會charge你鴉. 放心放心.”
(警官同一眾人行左去)
(辟可棋同孔慶羊互望微笑, 章少米望住佢地, 有點不自然)