「靈活玩」及「位置單一賠率」與世界看齊
馬會在新季推出「靈活玩」及「位置單一賠率」,香港朋友不需大驚小怪。前者九十年代在澳洲已盛行,後者根本是世界先進賽馬國家一直採用的方法,只是香港唔知點解,業餘時代用一開三,久而久之令馬迷有派彩較高的錯覺,因謬成俗而已!
先進賽馬國家講公平,英愛澳紐法任何位置派彩都是自己顧自己,大熱賠少啲,大冷賠多啲,唔會因為熱門馬有冷馬入圍而派彩較高,又唔會冷馬因為熱門馬入圍而分少了派彩。最典型例子是新馬場合有兩匹頂頭大熱門入前三名,另一匹入圍位置馬是九十九倍大冷,通常這匹大冷門的位置在香港的派彩會低到無人信,反而兩匹熱門的位置就分多一個幾毫。
我知道有一兩個電子傳媒的主持是熱門位置大鎚手,成日望冷門入嚟分多幾元,佢就贏多好多,如果行新制而他們大力反對,就明顯是有利益衝突,意見是否中肯就見仁見智了!
其實「位置單一派彩」令馬會蝕水風險減低,因為馬迷見十元只派十元一角,根本就不會下注;但這玩法會否影響位置的投注額,還有待證明。
請問版主:舊有的位罝賠率點計?謝謝!
位置單一派彩係公平嘅, 但係刺激性就少咗!