新玩意
2008/09/05 23:38:12 網誌分類: 卜友大事
名符其實,正宗電腦白痴嘅小妹,以前真係諗都冇諗過自己會學人寫 blog,當初都係求其應朋友要求開返個 blog 啫,點知寫寫吓,又真係覺得幾好玩。
而家,仲要分別喺幾個平台度寫網誌,同時管理幾個網誌,有時都真係幾忙架!以前會成日利用上班時間寫 blog 同比回應,但而家都好少咁做咯,雖然話份工依然係咁清閒,但始終喺公司寫嘢,點都會有d心虛,又怕比d盲頭烏蠅見到,咁就唔係幾好喇~所以盡量都係留番返到屋企,夜欄人靜先打 blog,唔知點解,咁先有安全感,覺得冇咁容易比人發現!
其實,小妹喺不同平台嘅網誌,有時會一篇兩貼,有時會完全唔同,好睇當時心情!所以,如果諗住小妹當呢度係渡假屋,只係求其喺雅虎度貼d舊文過嚟,咁就錯、錯、錯嘞!
講返小妹呢個電腦白痴丫~最近又有朋友叫小妹將早前外遊d相放上facebook,幾經辛苦,問完又問、試完再試,終於完成大業!開咗個新戶,亦將部份相片上載咗上去嘞。
玩咗差唔多一個星期,發覺 facebook 都幾好玩喎!近日正努力學習中,睇怕小妹呢個電腦白痴,日後對住部電腦嘅時間應該都會相應增加咯!
祝 中秋節快樂.
小妹勿謙謙,電腦世代個個都系度跟紅頂白,恐怕落後於人...
祝 simple OL 中秋節快樂!
青春常駐, 萬事如意。
已經好靚, 不過更加越嚟越靚!
布甸祝您中秋節快樂
OL小妹
中秋節快樂
Penny 祝Simple OL 中秋節快樂~
你懂得整咁多公仔, 點算電腦白痴呀? 我才是呢, 我連放張圖片都不懂呀.
祝中秋節快樂!
小弟都係電腦白痴, 最初話俾人知寫 blog, 即刻成班人笑死!
simple OL,
好耐無見, 我也是電腦白痴~
請妳食水果~
PENNY,布甸~我都係呀!哈哈~
大家好...布甸也在online中
因為我 Online 中嘛~
乜你兩個咁快手比回應呀~
妳原來去咗旅行及在facebook攪新意思~
我也是電腦白痴,點知又會學人寫blog,唔覺唔覺,一寫寫左兩年添,真係估都估唔到~
我也是呢,有時會post一樣的blog,有時卻會寫完全不一樣的題材,都幾得意!
facebook我仍在摸索中,都未係好識玩呢~