真係頭條笑話——介紹醫生
2008/09/10 00:00:00 網誌分類: 寫作 10 Sep
大力因為睇得醫生多,所以朋友有病都請教大力,請佢推介醫生,這天神婆阿珍就向大力查詢。 大力手拿一疊醫生卡片,非常專業: 「呢個姓『單』,開眼科,人人叫佢做『單眼』;呢個姓『段』嘅,開骨科,人人叫佢做『斷骨科』;呢個姓『劉』嘅,開婦產科,人人叫佢做『流產科』;呢個姓『龍』嘅,開耳科,人人叫佢做『聾耳科』。」 阿珍搖晒頭:「啲名咁邪門,我對西醫無乜信心,有冇啲好中醫介紹啊?」 大力 :「有!呢個實啱你,仲係全城裏面最出名嘅『宋中醫師』!」 阿珍:「吓?送終醫師?」 感謝讀者YUKI提供笑話,如你有笑話,歡迎電郵給我:tailiklee@yahoo.com.hk 或傳真︰23757566。 李力持