電視毒
2008/09/17 16:48:56 網誌分類: 生活軼事
唔知幾時開始，小妹再無睇電視劇嘅習慣！就算係而家好 hit，全城熱爆嘅家好月圓，都未能吸引到小妹嘅注意力！所以，當同事們喺辦公室裡討論劇情嘅時候，小妹只能變成一個局外人，一句都答唔上嘴！
最慘係呢套家好月圓，已經唔止係一套受歡迎嘅電視劇咁簡單，呢套劇除咗成為一眾師奶、阿嬸茶餘飯後嘅熱門話題之外，簡直可以列入通識教育嘅範疇，成為特區政府小學生們的教學新概念！
好似有個同事咁，明知小妹話冇睇過，偏偏又喜歡同小妹講劇情！基於辦公室生存策略，多一個朋友總好過多一個敵人之原則，小妹唯有“廣結善緣”，免為其難咁應酬幾句囉！
但又真係聽嚟聽去都聽唔明佢講乜，後嚟小妹聽佢講得多，都忍唔住心裡疑惑，將ｄ問題續一問返呢位同事：
『管家仔係咪即係管家個仔？唔係佢學咩人叫管家仔？』
、『點解唔係大仔管住頭家，而係二仔管住頭家呢？』、『林峰同鍾嘉欣係咩關係？』
、『明明係養女，點解叫攞女，唔叫裸女？』
、『點解咩都話要搞大佢？』
呢位同事一句都冇答到小妹ｄ問題，成日淨係識話好好睇、好精彩！
坦白講，小妹真係一ｄ都唔覺喎～只係想知道，呢套對大人細路都咁“影響深遠”嘅劇集，幾時先播完呀？
Simple, 你很久沒來這裡了. 等姐姐請你飲碗我親手煲的靚湯, 吸引你返來啦!
有某學報研究所得，看得太多無聊的電視劇，智商會降低，平均都有幾點之多。
幸好，我一向都很挑剔，不好看不看，因此很少看電視劇(這是什麼推理理由？！)，尤其現在三色台所播的。
Simple oL..這套劇已播完啦！
香港觀眾就是喜愛這模式啊！
simple OL~晚安
布甸最近因為比較忙
所以現在才能上來
預祝你有一個快樂的星期日唷
我是很久沒有看香港的電視劇了。剛好上兩個星期在香港，陪家裡人看了好幾集花好月圓，真是異數。反正看時不用思考，胡胡鬧鬧的。
以前喜歡看日劇，大陸的歷史劇，金庸劇。現在看的是美劇：LOST，PRISON BREAK，4400，HEROES，SUPERNATURAL，BONES，NUMBERS。。。
電視劇是香港人的精神食糧食
Simple, 我最欣賞的是這套劇的對白, 寫得好精警, 還有一眾甘草演員的精湛演技, 反而年青一代的感情線有點婆媽呢! 因為我主要是看他們的演技和對白, 所以這套劇是很精采的.
有空過來看看我最近的辦公室政治吧. 看你會如何應付那個女人?
我都係, 一集都無睇過.
捱多一星期啦~
下星期便有新劇出了~
坦白說，溏心風暴好睇d囉~