長篇劇本故事: 孔慶羊求愛啟示錄 第三十九幕B

(燈關掉)

(薛可棋睡係床上睜大著眼)

(佢落左床, 並行出去)

(廳燈開著, 爸爸在看報紙)

爸爸 (驚訝): “乖女, 做乜仲唔訓呀? 有心事牙?”
(薛可棋坐在沙發上)

辟可棋 (憂鬱): “爸爸, 我鍾意左一個唔知應唔應該鍾意既人.”

爸爸 (笑笑口): “咁快又有新對象o拿, 係邊個呀? 我識唔識架?”

薛可棋: “你都識架.”

爸爸 (笑笑口): “咁即係隔離屋o個個啦.”

(薛可棋沒有作聲)

爸爸: “佢幾good鴉. 我覺得佢係個好人黎架.”

薛可棋: “但係章少米而家o係佢屋企喎. 我唔知點算.”

爸爸: “妳唔好亂諗先. 大家做住朋友囉. 俾d時間佢睇下佢係咪適合妳啦.”

薛可棋: “我驚佢都係溫笑倫既番版. 自從知道溫笑倫勾三搭四, 我對感情事好敏感, 同埋無晒信心呀.”

爸爸 (嘆左口氣): “呢個陰影要妳自己去解決呀. 我都幫唔到妳呀.”

薛可棋: “好無心機呀. 爸爸, 你好耐無講故仔喇. 講個黎聽啦.”

(薛可棋睡在沙發上, 爸爸坐埋去, 辟可棋閉上雙眼)

爸爸 (溫柔): “o拿, 好耐之前, 有一隻老鼠喎, 佢食緊芝士啦. 有隻貓見到佢, 就追住佢啦. 跟住有隻狗喎, 又追住隻貓喎, 之後有隻狼喎, 佢見到隻狗, 又追住隻狗喎. 又有一隻老虎啦, 佢見到立即追住隻狼勒. 後來又有隻獅子, 佢一見到隻老虎, 又追住隻老虎喎……”

(爸爸探頭望一望辟可棋)

(薛可棋伸一伸懶腰)

薛可棋: “爸爸, 你捉得鬥獸棋多呀? 點解全部都係o個d動物既?”

爸爸 (尷尬): “哈哈, 好, 我講過新既故事俾妳聽啦.”

爸爸: “o係好耐以前, 有一粒海星喎. 龍蝦見到佢, 立即走過去追佢……”

(鏡頭無聲)