救市風險

2008/09/19 18:33:57 網誌分類: 經濟
19 Sep

    現在全世界唔係無錢,嚴格嚟講,係錢多過頭,通脹升溫係間接反映這個事實,因為長遠來說,若假設基礎供求情況不變,價格變動,係反映到鈔票與實物,在數量上嘅比例變動。

    現時最大問題係啲錢郁唔到 - 即係所謂流動性出問題(liquidity problem),因為金融市場要金錢轉來轉去才可運作。所有人及金融機構,怕做交易放錢出去收唔番,又或者自己都以未雨綢繆,儲起啲錢(在經濟不景時,一般人會減少消費、儲錢、現金至上,異曲同工),在個別層面係一個理性行為,但集體加起來,就是使系統不能運作。

    我估呢兩日多個市場急升,主要是有各大中史銀行包底,金融機構若有資金困難,都有中央銀行求救,可以再放膽將現金投入市,直到佢哋再有鑊杰嘢要走鬼為止。

    我在星期一轉載紐約時報專欄(撰文︰Paul Krugman),提了一個十分重要問題,在三月中拯救貝爾斯登(Bear Sterns),至今個月雷曼兄弟(Lehman Brothers)爆煲,呢六個月時間,班美國財政部、聯儲局高官,有無好好想想,各個預備金融危機嘅應變方案?

    剛剛企硬話唔再用納稅人錢救巨型金融機構,讓雷曼兄弟破產,不出三日,聯儲局出面注資入股美國國際集團(AIG),再加上放寬回購借貸抵押品嘅質數 - 股票都可以押,在中央結算系統之中大規模注資,何嘗唔係納稅人錢咩?

    金融市場最需要是穩定性,而在政府層面,這是指政策嘅可預期性。可是三月救貝爾斯登,九月初救房利美(Frannie Mae)及房地美(Freddie Mac),但雷曼兄弟就唔救,有點一時一樣,何來政策預期性?假如我在參與市場,點知那間金融機構倒閉會有系統風險(Systematic Risk)、那一間沒有,邊間會救、邊間唔救?我又點知系統風險嘅官版定議係乜?因此市場參與者齊齊在資本市場罷市,最合理不過。

    事實上,在這一幕,系統風險可能並不是來自雷曼嘅大筆衍生工具賬目,而是政府機構在處理這個危機嘅優柔寡斷!

    最終全世界央行又要救市,仲要係直接灌水… 他們想避免嘅道德風險(Moral Hazard),可能正正在這兩日股市大反彈中作怪。不知道各國政府能否把握時間,去好好監管仲未死得、而又想搏一鋪翻身嘅金融機構?

(同日留言在陸羽仁網誌)

回應 (12)
我要發表
2008/10/31 15:24:57 回覆

{#samp35682f9d683676fb.jpg}

2008/10/13 03:13:36 回覆

bro 袋鼠..OTG禮尚往來...請呀..!hehe...

 

((OTG))  2008/10/12 下午 02:12:46  網友在此的回應


貓咪:"...//.OTG, //係OTG.....就好囉// 為何不表白//

     吖....呢個問題我律C..soho..已經回答咗..next question pls

     wakakakakakaka....

Soho:"wah...你好勁吖...咁都記得...我請你做我代言人hah..hehe

daidai:同你玩吓ga...你知我13point..大癲大肺ga la..

{#200810071711436667.gif}.......wakaka......

2008/10/02 00:02:48 回覆

袋鼠,

我都係咁諗,會襯而家西方基金搶買國庫債券時,放緊啲貨。

阿爺醒咗好多好多,例如他說增持三行,先出口,後證實只增持每行二百萬股。所以,我諗佢都計緊數,減持美元資產compare with以美國作為最大的出口國兩者中間的利益。

 

2008/09/26 00:19:05 回覆

狗哥,你問嘅問題,其實只要睇番國家嘅 經常賬(current account)就會知,從而可直接推算出國家資本賬(capital account);兩者有點像會計入面嘅 double book-keeping,開一個credit,就開另一個debit﹣雖然教科書有講分唔好咁形容,因為有少少唔合實際運行原理,因為兩條數係分開去統 計,但咁形容去計算係最簡單。

中國依家整體係經常賬盈餘(current account surplus),那麼資本賬便是赤字(capital account deficit)。即係話中國其實已經係 剩數(nett)輸出資金(在扣除資金流入買中國資產後);在買入外國資產當中以美債為主。

現在美國是全世界最大嘅剩數資金輸入國。

可以去維基百科balance of payments

(同步在idoglife網誌回答)

2008/09/21 11:25:38 回覆

袋鼠兄, 來緊的日子,你認為,中國能輸出capital嗎 (instead of廉價勞工)?

2008/09/20 07:55:21 回覆

袋鼠兄,你講得啱,同意唔係制度本身嘅問題,而係參與者的能力和操守的問題。尤其是監管機構和政府的角色(roles and responsibilities)。

我也是在思考來緊世界經濟體係的大趨勢,會否有架構上的改變?新的聯盟可有多大的作用?會否抗行歐美這經濟體係? ...

 

2008/09/20 02:02:32 回覆

想深一層,可能有讀者誤會了我這篇網誌嘅重點。我並不是反對美國政府干預,而是怪責美國政府所做嘅干預方法錯誤、計劃不足。而我擔心的,不是在股票市場(至少就文章來說),主要擔心是在實質經濟層面,及金融體系嘅穩定性 (- 雖然現時股市亦因此而暴起暴跌)。

2008/09/20 01:26:49 回覆

而家係大時代, 市場充斥著政治風險, 救市風險, 信用風險, 對手風險

阿爺可以隨時出招, 老美咩都做得出, 美國人可以買樓唔供, 公司借錢唔還

堂堂百年大行可以迅速連環倒閉, 執粒速度仲快過俾人加租既香港酒樓

我有個朋友既爸爸用佐大部份既退休金去買雷曼既 mini bond, 唉, 希望唔會渣都無, 真係心up

2008/09/20 01:15:27 回覆

天佑大佬,你放心啦!美國就算透過濫印美元,輸出金融災難,佢哋依然要捱。而那些投資銀行嘅宇宙大帝(master of the universe),在維護普通法合約精神前題,除了可以找到法律窞去報復,否則無可耐何。

講個無乜人留意嘅好消息俾你聽 - 袋鼠國和東盟(ASEAN)簽訂自由貿易條約,而中國大約2010年會加入,日本則以2012年為目標。若果美國經濟衰退,以上國家起碼有機會因為關稅下降而增加貿易,有助舒緩了對美國出口下跌嘅損失。

這兩日大升市,令我想起一句經典︰「上帝要佢滅亡,必先令佢瘋狂」。

2008/09/20 00:43:15 回覆

狗哥,我對資本主義、自由經濟一點也沒有失望 {#icon8}  要失望的,是為政者嘅無能,及既得利益者嘅自私!每個制度都有佢嘅優點及缺點,但制度執行人很多時都十分有能力地,將優點埋沒,缺點發揮得淋漓盡致 {#20080507202643643.GIF}

看過一篇評論,銀行嘅作用係在經濟系統中將資金調配,但今時今日,傳統商業銀行(commercial bank - in big marble mansion)作為資金中界人嘅在份額,早已給投資銀行(investment bank)超越。然而,政府對投行嘅監管比對商行鬆得多。大約在科網股年代 ,曾經有政客嘗試加強監管「兩房姐弟」(嚴格來說,雖然唔係投行,但算是例子,也是這場風暴主角),但礙於兩房游說,不了了之。

早期投行,主要係是顧問角色賺錢;後來續漸自己落埋場、玩埋一份。在花紅制度下,為年獎而加大摃扞。其實就算無政府包底,班賭仔已經有股東包底 - 賭贏分花紅,賭輸係股東、其他人嘅錢(OPM - other people money),本身已經係充滿「道德風險」,裱裱者係大部份名不符實嘅對沖基金。

道德風險係一種市場失衡 (market failure),政府應加監管。

現在有人認為這次危機之後,暴露了投資銀行商業嘅死穴 - 沒有穩定資金基礎。以後投資銀行業,很多只是商業銀行附屬部門;照局勢看,高盛(Goldman Sachs)很大機會在風暴後,是唯一間仍然可以獨立運作嘅美資投資銀行。

順道一提,我係相信在市場失調時,政府是有責任去干預市場,但沒有失衡時就應該讓市場自由運作;在經濟院宗教中,我算是凱恩斯派信徒。

2008/09/20 00:07:20 回覆

我總係覺得,虧了的錢,總要有人承擔.

美國不蕭條, 那些地方會 遭殃.

今次唔殺, 班財技大佬照舊鑽灰色地帶.

現家才不過  18000. 2000/3 的高點.

 

點算係熊3?

 

話又調番轉頭, 個個都仲對 股市 死心不息,又那會咁快跌落去.

如果呢次做到一個 熊3, 好運的話,我還有命 下一次賺番.

 

但係如果唔行 熊3, 晚年經濟都唔荒好咯.

2008/09/19 20:32:12 回覆

對所謂的「自由經濟」有沒點失望?

「賭」輸了有人包底!! 以後啲人(investment banks)會點?

 

user