從學位收生情況看行業泡沫

其實從大學學位收生情況都可以看到一點行業泡沫既端倪. 記得當年在 97 前不久讀金融的已衰過一次, 97 年既地產, 2000 年前既 IT, 很多學生在那些時候分別爭相報讀金融經濟, 建築, 土木工程, 電腦. 由於供求關係, 這幾個學科的收生資格也很高. 但往往該學科最光輝既時候亦係見頂既時候. 八萬五出台後, 土木工程畢業生無啖好食, 科網爆破後 IT 畢業生亦不好景.

看行業僱員薪酬都可以睇到, 上年金融業既薪酬花紅真係令人側目. 其實薪酬花紅也是抄作, 高人工但高風險, 上班半年但失業一年, 可能那半年薪酬比別人工作年半的薪酬還要高, 可是工作時比別人辛苦, 失業時亦可能會飽受精神上既折磨.

揀科同投資一樣, 別人貪婪的時候你要恐懼, 上年我們就看到很多中學畢業生爭相報讀金融經濟, 這是高追, 高成本(成績好,學費貴)但高風險低回報. 別人恐懼的時候你要貪婪. 以 IT 為例, 2000 年科網爆破後跟本很少人讀 IT, 質素高的畢業生比以前大減, 供應下降. 以至這幾年 IT 行業的需求反而大增.  同樣道理, 下幾年應該無咩學生再爭住報讀金融經濟, 但可能反而係入"市"既時候, 少人爭之下成績差點也可鑊錄取, 然後過多三四年個行業又會好返. 不過堅持入讀可能要受朋友屋企人白眼, 話人地散水你仲衝入去讀.