纖維布沙發(加了相)
2008/10/10 00:00:00 網誌分類: 寫作
家裏沙發買了不足一年，已給貓大爺抓到面目全非。
不是沒有給牠們貓抓板的，但牠們就是愛皮沙發的味道，睡完懶覺起來一躬身，貓爪子愉快地伸縮、伸縮，沙發面就給刮出幾條痕，八對貓爪日子有功，表皮全給抓起來，人都沒法坐了。
貓貓愛皮、木、藤之類的氣味，但用布又會有好多貓毛，再買新沙發時，認真費煞思量。當然是預了給牠們破壞的了，但都想耐用一點。售貨員介紹一種纖維布，說密度高，動物爪子不易把布勾起，都無辦法，唯有一試。
新沙發到埗，貓貓們聞到新氣味，圍上來團團轉嗅幾嗅，奇蹟地過了幾天，貓貓仍沒有用來磨爪，或許是未找到攻陷這種質感的方法吧。我只希望這沙發能捱得一陣得一陣，貴呀！
有圖為証
舊皮梳化......
新纖維布梳化，似布質地，但韌好多。都幾貴。
關慧玲
關小姐,
謝謝你啊!
安芝
dear 安芝，
哈哈，纖維布似乎真係有效，梳化來了咁耐都未抓過，現在仲新簇簇。這種纖維布梳化在歌曼妮訂造的，我唔知其他梳化鋪有沒有。
關小姐:
你好呀! 好開心可以睇到你呢個blog, 我好鍾意貓貓架, 家中都養左兩隻貓~
最近想換過張梳化,我想問你張"纖維布梳化"在那裡買的?
同埋如果家中會重新裝修, 有d咩野要留意呢?(for 貓貓的生活)
謝謝你~
安芝
關小姐你好呀,
我果隻係女來的, 叫芝麻糊, 响街執架, 由手板咁大到依家重成12磅, 10歲了, 她性格似狗多過貓呢, 成日圍住你轉, 眼瞓果陣仲要你抱住呢！
我另外仲有一隻三色唐貓, 3個月果陣領養回來的, 依家 13歲女了, 她是一隻正宗"高豆貓", 但佢都成日不停咁同你講野架！
fannyyan,
真係無抓喎!!!!!似乎真係對這種布無乜興趣，唔知幾時會失守。
Caroline
.....你張梳化同我張舊的一樣重傷.....無計。
你隻仔好似我的阿kidd呀，好靚仔。
關小姐 :
到了最後妳的貓大哥有沒有抓到張新梳化 ???
我張梳化又不會太多毛 . 它們日日都在梳化睡午覺 , 我們都不用掃毛 .
to fanny yan,
是有點似你的梳化，但我好傻，到今日都仲係用布蓋住不敢露出來給牠們試，驚好似上一次咁，不到一星期已有抓痕。一於揭開塊布俾佢哋試吓。但會否很多毛呢?
貓子，
我都聽說水牛皮好，但質地好硬，佢哋的確鍾意旁邊的假皮氣味，博老命咁抓呀。
呢種真係唔會抓的 .
之前的真皮沙發就慘啦 (無忽好肉 ) .
我張梳化都用左5年喎！我發現佢地不抓真水牛皮的椅身，但會抓假皮/膠的底部。
張新梳化有幾貴？哪裡買？
我用布sofa架, 真係好多貓毛, 一得閒就要掃下. 用了五年還健在. hehe~~