六至九個月大BB 粥仔大全

2008/10/12 17:35:20 網誌分類: BB 粥仔
12 Oct

六個月大至九個月大的BB,可試以下款式:

粟米蓉
用滾水煮粟米,大概30分鐘,之後將條粟米用研磨器磨蓉,磨完跟住再用個隔渣隔一隔佢,層衣就自然會被隔出,然後用攪拌機打碎,之後可以加入粥仔之中再煮就食得。跟住個粟米心唔好浪費,可以拎去煲湯。

青豆蓉
用滾水煮熟青豆(可用蜜糖豆除去豆夾,不過份量會比較少),之後將青豆加水用攪拌機打成蓉,可加入12湯匙奶米粉攪拌令青豆蓉更杰身及增加口感。

蛋黃蓉
6個月可食熟蛋黃,初時一日只可吃1/3個。後來可一日一個,一個星期不可多過3個。先將雞蛋烚熟,去殼去蛋白,壓成蛋黃蓉,到粥仔差唔多煲好,就加入蛋黃。

 

九個月之後先可以試食蛋白。九個月大之後,可以先用四分之一隻蛋白,加入蛋黃一起攪拌,到粥仔差不多煮好,就可以加入準備好的雞蛋汁再煮,直到蛋花都煮熟就食得。

瘦肉味甘筍粥仔/節瓜粥仔
1湯匙、水10-12湯匙、甘筍1/6條或節瓜2吋厚去核、瘦肉1安士(一隻麻雀大小)

1)甘筍/節瓜去皮切開4-5粒,瘦肉切粒。
2)水加洗淨的米加甘筍/節瓜一齊燉1.5小時。
3)瘦肉棄去,甘筍/節瓜用研磨器壓成茸加粥仔內即可。

:
1)甘筍細細條,甜D,易稔。紅蘿蔔是用來煲湯那種。
2)燉粥好處是冇咁熱氣又唔駛睇火。
3)如果明火煮,米最好先用大滾水(3湯匙)焗。另外用10-12湯匙水把甘筍/節瓜及肉煮至出味(大慨15分鐘),用這些煮好的湯加埋頭先的米同水一齊煲30分鐘。
4)煲完大概有成6-8湯匙粥。


蜜棗粥仔
一至兩粒蜜棗,洗乾淨,凍水同米一齊落, (只食味,蜜棗唔俾BB),煲好就食得。 這味粥仔可以去痰火,如果BB岩岩起啖又或者傷風尾有幾聲痰聲,食這味都幾好。亦都可以加入龍牙百合,先洗一洗百合,然後浸佢半個鐘與蜜棗同下。

蔬菜豬肉粥仔
豬肉可以生切碎後煮或煮熟肉片後再攪蓉落粥再煮。可用攪拌機整生豬肉蓉後,放落粥前用小小水撈混,豬肉會自然散開。又可先蒸熟幾片肉片,加水用攪拌機攪蓉就煲得粥,最尾加埋菜蓉滾下就得。

蔬菜先只用葉﹐可以切蓉後落在差不多煲好的粥繼續煮或分開煮熟再切蓉落粥都得。

菠菜魚肉粥仔
做法好簡單,首先將魚蒸熟,去骨後將魚肉整碎。
至於菠菜只要葉,切碎,待粥差不多滾就落菠菜,滾一陣最後落埋魚肉就食得。

薯仔粥仔
基本上6個月的BB都可試食薯仔蓉,不過因為六個月大的BB剛開始試半固體食物,薯仔蓉比較杰身,口感不太好, BB未必喜歡,如試食可加入粥仔。

芝士粥仔
九個月大之後先開始試,先煲好粥仔(肉類加菜的粥仔),加入一粒笑牛牌芝士(原味),直到芝士溶入粥仔中便食得。

芝士薯蓉
先將薯仔洗淨切件,用水烚熟或者隔水蒸熟,然後趁熱用湯匙泥爛薯仔(或用攪拌機加奶粉開的奶一起攪拌整成蓉),再將芝士放入,熱力就會將芝士整溶,最後開12安奶溝稀薯蓉。

鴨腎鴨心粥仔
鴨腎同鴨心都有去奶積的功效,又係食味唔食材料的。洗鴨腎要去除所有黃衣,洗鴨心要去血,用鹽洗就最好的但要記住過清所有鹽。洗乾淨後就煲得粥。

冬瓜雞肝蓉
好似滾湯一樣,將半斤冬瓜及兩隻雞肝放落滾水,當冬瓜軟化了,就取出一隻雞肝及適量的冬瓜用匙羹整碎就可以給BB,湯都可以飲。

牛奶麥皮(九個月大用)
麥皮:可用老人牌即食麥皮
:用奶粉開3安奶代替鮮奶
煮法:
先將水煮滾,加入麥皮及材料(蕃茄及牛肉/南瓜及雞肉),煮十分鐘之後,熄火,待涼後放入攪拌機攪碎,再倒返入煲再煮,呢次就要煮耐少少,大概要30分鐘,又係用大火煮滾,再用細火慢慢煮,一路煮的時候,可以自己試下麥皮夠唔夠滑身。(口感似濃湯)煮好之後熄火,食得。

百德阿姨ABC/ ORGANIX ABC PASTA FOR BABY(九個月大用)

ABC粉已經好細粒了,不用再加工整爛, ABC粉過冷河後,可用剝了皮的蕃茄去核切粒,加些肉碎滾一會兒,出了味之後再加回些ABC粉落去讓ABC粉可索到些湯味,這樣便不用在餵BB時咁容易滴到週圍都係湯。蕃茄買圓扁形那隻會甜些,另外椰菜滾些湯也很好味的。
煮法:
1)先煮滾水,水滾後加入半碗ABC PASTA,不要蓋上因為好易起泡,除除攪拌,5-7分鐘,ABC粉開始軟身,就可以取出,過凍水。
2)煮湯底,用大地魚肉乾放入滾水中先煮15分鐘,取出魚肉,再加入材料,當材料熟透之後,就再加入ABC粉煮到熟透,然後就焗一焗,食得。

 

 轉貼

 

備註 : 出緊牙仔不可以食魚粥, 會呵啡啡。