非V, 非U, 而係L
2008/10/17 20:02:25 網誌分類: 經濟
綜合各方高人既睇法, 恒指未來半年既走勢將唔會係V型、U型反彈
而係L型, 即係先係低位"築底" 然後橫行, 直至經濟數據改善
估計呢個格局將維持一至兩年, 所以奉勸大家, 唔需要咁心急撈底
因為你將會有好多機會, 撈到你無興趣撈
-------------------------------------------------------------
聽聞泰林執笠, 其實一d都唔出奇, 經濟好時, 巿場仲可以容納到
呢d"弱者" 但現在經濟轉差, 就係汰弱留強既時候!
告訴大家, 唔單止零售, 所有行業所有圈子都會越來越多呢d情況發生
係股巿, 弱者只懂留蟹貨, 高追低沽, 遲早會輸左d血汗錢
所以如果閣下係呢一年內蝕過半數本金的話, 最好唔好再投資了
或者供多d mpf, 買多d 保險基金, 又或者月供5仔就算了
因為再咁落去, 你將會蝕埋餘下既一半...小心小心!
---------------------------------------------------------------
睇完今日個巿, 我更加肯定我改變左投資策略後係正確既!
之前0.2入左隻熊証31559, 已經有唔錯既回報了
但唔鼓勵大家跟我咁做, 原因之前講過; 反應唔夠快就會蝕錢
希望大家諗諗一d自己最有把握既投機方法,
可以既話不妨留言交流下心得la!
各位加油! 讓我地同步過冬吧!^^
fx3600p , 接受現實LA, 個巿實會上返兩萬, 但問題係幾時呢?
我覺得唔會係 今年之內發生既事囉, 好似我咁炒下熊仔咪幾好
呢兩日又賺到笑!
JOANNA, 唔多唔少都會有D影響, 但根本環球大走勢就係會跌
所以就算外國唔俾沽空, 個巿仲係繼續跌~
Hi, Rainbow,
中信泰富因做咗Accumulator, 而引致公司損手難腳.....做咗佢個股民仲慘, 股價跌都你唔信.
其實, 會否因某些 Accumulator 於11月將會到期, 這樣對來近的大市會否有一定的影響????
Rainbow, 未來半年既走勢將唔會係V型、U型反彈而係L型, 實在太恐怖了,有沒有機會彈些少,上一上2萬點呢?我估跌禁多,彈6千點都好應該掛!
chin, 如果你真係有細嚼我既post , 就會發覺我好早之後已經叫人入熊証沽輪
雖然我係大巿下插期間都有嘗試撈底, 但個巿繼續插, 我都有d熊証去對沖風險
貴買左既正股可以作長線投資, 所以個巿繼續插或者L型發展對我都有利
就算個巿突然大升, 熊証平手走左, 正股都會賺返, 記住諗d win-win 既
投資策略, 如果諗唔到既, 不如唔好買!
rainbow,
睇左你個blog成年了, 你d提醒好好, 真係好明白點解人地贏$自己做燈, 呢個冰河時期剛好比我有時間再部署一下, 上2個星期我入左隻 16既牛正then 個市插到傻.....我都叫走得快, 之後rethink y 甘既市我都入牛呢...如果我買對面就執到笑啦, 到宜家熊仔高左又唔敢入
果然咩市都有人輸......我幾時先可以唔做燈神
彩虹,
努力,這個冬天不太冷,
大家一齊努力去面對.