一念天堂, 一念地獄
2008/10/23 10:48:55 網誌分類: 經濟
相信呢一年對好多股民黎講, 就好似落左地獄咁, 仲要一層一層越跌越深, 如果以十八層為最底, 依家至跌到十四五層, 仲有三層要捱, 真係唔係人人受得住! 我聽見有D瘋狂既人, 係呢個時候借錢入巿, 佢地覺得咁就可以撈到底, 博返之前蝕0個D, 好似有個大學生既股友前排好興奮咁同我講, 佢攞左D GRAN. & LOAN 係$68入左中移, 升到$70, 覺得D錢真係容易賺, 佢話好快會上到$80, $90咁話喎, 之後講好大篇理論, 話自己好識揀股, 中移係大藍籌, 點點點…我睇佢呢兩日應該笑唔出吧…
今日又下試新低位, 一開巿就跌到13600左右, 距離我既入巿位只差600點, 所以今朝我會放哂D熊証先, 呢期D熊証真係幫補唔少! 放哂D熊証就有足夠彈藥入貨了~基本上都唔使問入邊隻好, 咁既價求奇揀一隻藍籌都抵買到不得了, 除左中信外~ 不過前景我就會睇好1088同2628, 神華始終係我既情意結, 等佢跌到$10掃貨!
點會成比例呢?你諗下, 恒指由32000跌到13600跌左57.5%, 但神華由高位 51.4 下跌到13.7 跌左73.3%架, 所以根據就唔可以咁比較, 13000點未必係最低位, 但我覺得到時D貨會好抵買, 加埋分三注吸納, 比較為2:3:5, 每跌一千入一注, 咁就已經入到個好好既價, 呢個時勢唔好入牛証喇, 直接入2800比較安全
Rainbow, 跌到13000入牛証好不好? 1088 現價 12.74, 跌落 10 要跌 21.5%, 但大市跌多4% 左右見底,條數有問題,除非1088要特別跌多D.