學做股民(2)之石油與通脹之關係

　　今日出了聯繫匯率,未知大家睇完未,係2007-2008年上半年, 石油價格高企,引發一連串既通脹, 係整個風暴,大家學識左次按,等我地再了解呢個世界既科學家點勢利,將石油整左多方面既用途, 我應該返去中/小學讀書..因為原來我好多都唔識。

　　石油，也稱原油，是一種粘稠的、深褐色（有時有點綠色的）液體。地殼上層部分地區有石油儲存。它由不同的碳氫化合物混合組成，其主要組成成分是烷烴，此外石油中還含硫、氧、氮、磷、釩等元素。

 　　石油點提煉既詳細唔係呢次話題既重點,有心既朋友可以去下維基百科或其他渠道,石油可提煉成汽車、摩托車用汽油；噴射機的燃料，石油提煉出來的油脂可製成滑機油。許多日常生活用品，如塑膠、人造纖維、塗料、保鮮紙、墨水等;副產品:去漬油,清潔劑、,衣粉,火酒, 煙火, 唇膏. 化妝品,香水,發泡膠產品,醫藥(常用既傷風素都係),液化石油氣可作家用燃料。

　　別以為和石油無關,無論農場、畜牧場,皆要耗用能源才能運作,而種植農作物施用的肥料,便由石油副產品製成,而食物運到世界各地銷售前,進行的加工、冷藏和運輸,都要石油

　　試問一樣咁神奇既野可以產生咁多既野出黎，呢Ｄ咁既能源一升價起上黎會變左咩世界。

　　更詳細既野相信有排講，大家都知道美國爆發次按，美國用了弱美元既政策去應付一係列既危機(　依家已經唔ＷＯＲＫ　）　同時因為弱美元既關係下令石油價格不斷上升，主要原因係紐約期油係以美元作結算單位，加上沙特阿拉伯等石油輸出國組織（ＯＰＥＣ）係最主要既原因輸出國，眼見美元不斷下跌，自然不斷將需求價格調高，大量既對沖基金不斷購入原油等其他商品市場作對沖美元下跌既風險。

　　要知道美國係全球消耗石油最多既國家，以其每日既消耗已經係中國成倍，（隨住美國既市場已經陸續崩潰，油價既需求自然急速下降）。

油價急升與通脹之關係

　　上文提過油價上升，令呢種變化多多既原材料，影響範圍極廣，單係０７年至０８年，油價既升幅已經達倍計，即係相對製造業，農業，畜牧業，煉油業，飲食業及運輸業既成本大幅提高，我地可以睇番各類商品市場，如農業市場如大豆，玉米，金屬市場既鋁，銅價，能源商品市場既期油係０７－０８年既升幅，其實都幾驚人，唔睇呢ｄ　我地身邊既豬肉都貴左好多。

　　從而係０７至０８年，全球都出現通脹潮，不過隨住美國既市場崩潰，油價亦隨之下跌，依家已經返返好早前既低位，現係報６９美元附近。雖然油價既供求取決於油組既反應，但由於早前一輪既對沖基金炒油價，現在要返回較早前油價既高位較難（小弟估計係油價高位做左傻仔既應該部份係我地祖國及香港既公司）。

　　但係由於上半年既急升，一系列既鏈鎖式既反應一次過爆出黎，最近出現既倒閉潮都係反映０７－０８年既成本急升所至，小弟認為只係剛剛開始，政府更多次強調風暴未殺到，看來早已知道內裡文章。

　　好多人話中國係呢次金融風暴既最大得益者，從另一面看，其實中國都可能係輸家一份子都唔定。

　　最近多間公司係匯價衰左見晒報，相信與此不無關係，希望大家可以比ｄ耐心睇晒，覺得悶同我講聲。

　　由於全部都係我比較簡略係互聯網上搜尋資料，亦都唔係咩專業野，有錯請指正！

詳細內容可以係維基百科，ｙａｈｏｏ，ｇｏｏｇｌｅ，ｏｐｅｃ官網，等等等等，搵到更多更詳盡既資料，以上純屬小弟個人意見。