學做股民(3)之環球貨幣

　　正當全球既貨幣不斷貶值，經濟萎縮，但除了日元不斷拆高，美元其實實際唔好跌好多，一直保持強勢。

　　美國既救市方案所印銀紙，全部靠印國債比中國，日本買，印銀紙仲可以做大佬，美國可以話係敢認第一無人敢認第二。

　　歐洲大國自從統一左成歐元之後，都成為好強既貨幣，不過隔住個大西洋，佢衰自然都好難免，歐洲經濟急速萎縮，連帶本港上市既esprit以歐洲市場為主，自然。。。。

　　澳元一直都係高息貨幣，但面對金融海嘯，佢都不得不大幅減息，同世界最孤獨既澳洲，有天然既資源同地理優勢去發展曲畜牧同礦產業，但係同世界質易亦都係好重要，全球貿易一脈相成，是但一個大國倒下，自己引發鏈鎖反應，為避免經濟實體受沖擊，減息對澳洲係其中既辦法，澳元急跌令中國投資澳洲既公司自然匯價受損（中鐵就係其一，但點解榮總會有事？仲要係炒燶I KILL YOU LATER??）。

　　人民幣，不是市場自由浮動，由中央開出兌換中間價，不過又係隨著美國既問題，大爺放鬆銀根，不過面對住美國同歐洲等大市場，需求自然下跌，背靠祖國既香港亦都出現問題，中國企業不單面對海外沖擊，內部需求亦都急速下降（早前既借貸收縮同國內勞動法）成本上脹，自然難捱。

　　總括黎講，係金融風暴下，日元拆倉潮不斷上升，日本本來已經唔掂，再比美國玩兩玩，真係日子難捱，中國既宏調亦玩大左，再加上美國衝撃，今鋪真係考阿爺牌。美國貴為全球消費大國，佢市場收縮，對全球已發既問題可以放大多倍，同佢地貿易既大國唔幫佢買國債就會累埋自己，日本同中國係持有美國國債最多既國家。

　　試問係全球各國都擔心既時候，美國就不斷印銀紙，仲要食硬你唔買唔得，咁明刀明搶既國家，美國唔認第一，冇人敢認第二，全球貨幣都眨值，唯獨美元跌得唔多，保持強勢。

　　印左咁多銀紙，好多人擔心往後三至五全球會引發大通脹，我忽然諗，可能往後全世界會當美國印銀紙既事抹左去，扮唔知，繼續洗大佢，點解？因為全球都睇我ｄ　貨幣做大佬。

以上全屬小弟意見，有錯請指正