眼光, 耐性 - 長線投資者缺一不可

2008/11/05 17:35:56 網誌分類: 經濟

05 Nov

要係股巿上掏金, 第一件事係要分清楚自己係投資者or 投機者

睇完OTG既blog 後, 我覺得自己比較適合做投資者, 因為投機者經驗要深, 反應要快, 而回報同功力係成正比, 好多初哥真係死左都唔知咩事. 今日我睇返32054, 就睇得到d 淡友俾人殺到幾淒涼, 佢地由27-10-08 到30-10-08不斷掃貨, 點知個巿越升越有, 去到呢幾日佢地終於要面對現實, 証價一路跌佢地就一路沽, 所以我一早同大家講"越唔信, 越係升"

係呢d時勢, 最賺錢既高手一定唔係即日鮮0個一d, 因為個巿一路升, 佢地入貨成本一路高, 而跌多左又可能要即時止蝕, 加埋手續費, 功力差d既可能得20~30% return, 但一個有眼光, 有忍耐力既投資者, 如果撈左底到依家都唔放, return 起碼都有40%~60%(e.g. 2.6入939, 今日就有60%return (以$4.2),$8入1088, 今日就有90%return)

其實缺乏眼光同耐性係可以補求, 無眼光唔緊要, 最緊要識得搵"燈" 記得大巿由17000開始大插前, 曾俊華已經講明海嘯仲未到, 呢個時候如果你信佢既, 就算捨得唔沽貨都應該入熊証沽輪吧! 到左插落11000之前0個日, 股神巴菲特又開口話依家係撈底時候, 再跌既話佢會用個人既資產去買美股, d人以為股神只係出口術, 但其實佢已經俾哂tips 大家la! 可惜撈底既人真係唔多.

至於耐性方面, 我個人本身都無, 所以唯有信技術分析, 反彈通常起碼會到十天&二十天線, 到呢d位真係會好有衝動放鬼哂d貨, 袋袋平安, 解決方法 - 一係遠離大巿一兩日, 一係入超少注貼價熊証(好平0個d 一二千蚊左右), 如果個巿第二日回落, , d貼價既熊証通常有30~40%升幅, 咁都可以填補到心靈既創傷丫! 如果升到回收左, 你手上既貨升幅就可以cover 到lost, 可能大家會問, 咁咪好無謂? 無錯!呢段時間係好無謂, 但只要衝破到一d重要既阻力位, 就可以停止呢個活動, 由股票繼續上落, 之後, 0個個重要既阻力位就會變左支持位&止蝕位了(好似好複雜, 有唔明既歡迎發問^^")

------------------------------------------------------------------------------

今日總統大選終於有結果, 眾望所歸~ 奧巴馬當選, 但曾淵倉講得幾有道理, 佢做左總統對中國未必係好事, 因為佢關注既事好多, 例如環境, 知識產權, 貿易逆差, 所以佢好可能會強迫人民幣加快升值, 或者增加懲罰性關稅, 以收窄貿易逆差, 保住美國人飯碗, 咁對中國出口業造成重大打擊, 大家要好好留意!

回應 (8)

我要發表

2008/11/07 20:04:44 回覆

明白唔該哂，我唔係十分重架買左，因為買果日跌得可西利麻，我都驚驚地買果時，我買左30000，我都係留反先我林。謝謝。

2008/11/07 09:44:57 回覆

B仔0, 咁低價入左中銀咪好囉, 要俾意見你首先要知道你仲有無彈藥, &上次入左幾多手? 依家個巿咩野事都有可能, 最重要問自己一句, $1.8買中銀你覺得值唔值先? 值既話長渣無妨, 最壞情況咪捱兩三年, 又係一隻好股~如果你$1.8入得唔多既, 等佢真係跌到$1.5 (純粹假設性)再繼續儲貨, 然後等佢反彈到2.2~2.4 就放返$1.80個一注, 咁佢長渣0個注就會越來越抵LA! 如果你已經重注係$1.8, 我就反而建議你快快沽左一半貨先, 呢個時勢有個錢係身始終係必要既

KI,係呀, 其實短炒風險仲大, 好似我有個股友呢兩日蝕左成皮, 就係以為跌一跌會繼續彈, 我就寧願睇定D

包 2008/11/06 19:29:28 回覆

//係呢d時勢, 最賺錢既高手一定唔係即日鮮0個一d, 因為個巿一路升, 佢地入貨成本一路高, 而跌多左又可能要即時止蝕, 加埋手續費, 功力差d既可能得20~30% return, 但一個有眼光, 有忍耐力既投資者, 如果撈左底到依家都唔放, return 起碼都有40%~60%(e.g. 2.6入939, 今日就有60%return (以$4.2),$8入1088, 今日就有90%return)//

支持。

即日鮮，可以控制風險，風險少d，但相對回報少左。

但若講求回報，時間較長，能得到的回報會係較高。

因為累積升的時間幅度長左。

2008/11/06 13:46:54 回覆

Hello sister Rainbow,

我係新人，弟一次睇你的blog的。你講野都幾有道理我覺得。我就是在 1.8 買了中國銀行的股票，現在放唔放好唔支到。沉日升到２.4 無賣到，會跌回頭嗎　？請大家比ｄ意見。謝謝唔該。

2008/11/06 08:54:43 回覆

HAHA....我知~估唔到你係空姐喎, 你就好啦!可以周圍去shoping~

下一站去邊呀?手信手信~~~^.^

2008/11/06 01:27:42 回覆

wakaka..sister rainbow..拜拓啦..: