月供儲錢
2008/11/18 23:36:29 網誌分類: 經濟
月供呢個中策,主要用來克服部份散戶的某些嚴重毛病。散戶毛病數一日都數唔哂,第一,用哂無錢剩。好多人、特別係後生仔,會餐搵餐食餐餐清,賺幾多使幾多,雖然佢都知儲錢投資係好,但有錢通常使哂,最後有1萬幾千都去埋日本用埋至算。月供主要針對這類人,逼佢地儲錢,你唔儲錢,20年後可以1毫子都無;你肯去月供,每月供2000元,一年2.4萬,10年24萬,20年供都供咗48萬,呢條數未計收息,未計股票會增長,合理點去計埋收息與增長,20年加埋派息股票變4倍一的都唔奇,你就有200萬股票,雖然真係要俾1.2萬元手續費,呢1.2萬就算逼自己儲錢的成本吧。
資料來源: 陸sir
Foxy
月供,我認為升破歷史高位,應該沽三份一or 一半 or 先取回成本。唔應該一野沽晒,因為月供是長線,特別你是供指數基金。
月供最大意思是你將來退休之用,而不是供你短暫獲利花費。
所以,幾時沽清?除非中國好似美國一樣遇到根本性改變,否則一個成長中地區,何沽之有??
小潘
小潘
若20年內, 又升到上3萬或4萬? d供股sell唔sell左去先呢?等遲d大跌先買番? 好似之前3萬點賣晒佢, 等10600先開始供?, 定係3萬點賣晒佢, 月供照繼續, 3萬點跌落10600都照供, 但sell左果畢錢到左10600就一鋪過入番晒?
Foxy
月供最少 1000,其實有能力,最好供多d,令手續費佔成本比重下降。
減少消費/ 炒賣將錢轉去月供,千奇唔好話自己冇錢,後生仔點都有能力擠多幾千元出黎既
2828絕對是長供既最佳選擇
小潘
小潘,
我錢唔多, 月供500又如何?定最少都1000?我想供, 供2828好唔好!! 若20年內, 又升到上3萬或4萬? d供股sell左去先呢?遲d大跌先買番?
Gigi
原來澳門政府工OT有補水咁好,可憐香港打工,OT是正常,老闆幾乎要問你拎返因OT而多付的電費呀!
多勞多得就好啦!呢個時勢最緊要有得搵
bobofox
唔好心煩,長生天會保佑好人。
小潘
小潘,
終於搞掂手頭工作, 暫時可以鬆一口氣. 你話我做多做少都係出咁多糧, 其實唔係, 工作多, 我有OT收,不過工作時間長, 假期都要返工, 很累, 努力同回報成正比嘛!!!
你話出年去北海道自由行?北海道海鮮超正,刺身仲正,記住試!!! 我當年去時係冬天,雪景靚到暈,夏天未去過,聽人講都好靚. 你自由行呀,你或同行識唔識日文? 北海道幾鄉下,我諗英文唔太通.本來我都想聖誕去日本, 但yen太貴啦,真係換唔落手,所以揀咗去其他地方.
小潘 , 係公司事煩 , 好多野未諗通 , 個腦好似塞左咁, 縱合大家意見 現在只知冷靜 d 先 .......
到時一定會覆 , 希望樓價快 d 到你0既心水位啦 !
BOBOFOX
有咩事咁煩,感情OR 事業
我又唔係一個爽快既人,我只是思想簡單既人,好多事煩都係因為諗得太多。
你既日記中,一開始就知錯,何必苦惱。
世界沒有變,只是你的腦在轉。
人生活愈簡單,苦惱愈少。好似,我而家想買樓,又為自己增添一個煩惱了
ps: 你買樓好恐怖經驗,都唔想提你呢個事件,不過有咩買樓須知,到時你一定要提提我。
小潘
潘記 , 我0既買樓經驗很恐怖 , 不想影響你的買樓想法 , 還是不說也罷 .
多謝留言 , 我好煩中 , 想多看意見 , 睇完你0既回覆,
你0既性格一定係好爽快0既人 , 我都好想有你咁爽0既性格......
bobofox
我還持有 405 我估會守5年至算。
無錯,我的確想買樓,不過,我唔會第一時撲入去買,始終係大事。
你都想買?你有冇買樓經驗,我對買樓事宜0經驗,遲d我會係到開返個樓市討論區,你都發表一下。
小潘
潘記 , 還持有 #405 嗎 ? 前文看加起來好似你係等時機買樓的 , 我年頭都有咁諗過 ,現已打消 ...人人都話明天第一季 即過年會出現低位 , 因本身過年是淡季 , 我打算見底橫行才再諗過.....
bobofox
我冇買賣好耐啦,只有月供,因為我要留一大筆錢,要有大用途
你都要保重身體,明年要捱足一年了
小潘
小潘 , 這一陣子都是工作至 3更夜半 , 沒有時間上網和睇市 , 也沒有買賣 ,
12月頭交齊貨 , 便ok了 . 你呢 ? 有無買賣呀 ?
Gigi
唔怪知,你冇左影啦。
忙米好lor..呢個時候有野做就係福份啦。不過,你係政府工,忙唔忙都一樣....都係出咁多糧..ha ha
小潘
小潘,
救命呀,好多嘢做呀,就嚟做死,呢個禮拜我見到阿頭塊面得一個 "催"字, 日日催,我個樣老咗幾年呀!!!!!
BOBOFOX
去左邊,好耐冇見WOR!
ARE U OK?
小潘
小潘 , 入黎睇文同打招呼 , hello .............狐
據我所知, 廠家/企業會用物業或股票來做抵押, 銀行就會開條OD credit line, 即透支額俾佢地用, 利率通常係最優惠利率加幾個%, 廠家/企業就用呢d錢黎做流動資金, 銀行通常會同個客每年review呢條overdraft credit line, 有時修改透支額或者改利率, 銀行見d抵押品價值下降, 就會叫個客加抵押品或削減透支額, 逼佢地填左個差價, 如果銀行覺得你盤生意風險大, 就會取消條overdraft credit line, 咁間公司就死得
資料來源: so ho