巿況將比預期更差...

2008/11/20 22:22:06 網誌分類: 經濟
20 Nov

之前我提過上次跌浪係呢個熊巿既底, 似乎要修正了, 因為當時並無美國汽車業呢個危機, 呢個危機一旦爆發, 我相信不比上次雷曼遜色,到時跌破一萬點, 真係話都無咁易!

而且汽車業只可能係冰山一角我地好難估計美國仲有咩行業會出現危機, 而"救巿七千億"原如只係用黎救金融業, 依家已經用左三千幾億, 個巿仲繼續跌, 我估計, 餘下0個3500億應該唔會咁順利批出, d國會議員又會質問老保救巿救左去邊度,點解咁快洗左一半都無咩用?

至於內地方面, 中央今次係救經濟, 唔係救股巿, 所以四萬億唔會咁快見效, 如果a股再跌, 相信中央好快會再出招, 減息減存款準備金呢d必然, 如果想有效救巿, 可能會推出有關入巿既措拖, 所以a股不宜睇得太淡

提一提1088, 如果有睇我給網友既回覆, 會發現我睇淡好多呢一隻股
睇黎跌穿$8一d都唔出奇, 估計短期或者因油價回穩而反彈, 但相信
仲會有下跌空間; 中央取消對煤出口退稅, 目的係為減低電廠成本和工業成本埋下伏筆, 但同時犧牲左煤股既出口盈利...

所以下一至兩年既潛質股, 暫時我會睇好基建&保險股, 預期下年基建股會受惠鋼材水泥成本下跌, 電價油價下調, 人工下調, 令盈利上升.但留意短期3隻基建股有轉勢訊號, 所以不宜買入住, 請大家先密切觀察

-----------------------------------------------------------

今日巿況相信無人估到, 係中午收巿前強力反彈
傳聞內地會係週末減息, 亦傳美國汽車業將有曙光

有睇開我個BLOG 既股友都知我之前好鍾意叫人入熊
但最近就唔建議大家再買牛熊, 原因就係咁解
呢D時候謠言滿天...你以為個巿有排跌, 諗住入下熊仔
炒下, 點知就拎野了!

觀察 - 係投資技巧中既一門必學既環節, 觀察其間
唔需要覺得無入到貨OR無走到貨而可惜,
因為你既損失係零, 而當你睇準個巿穩定落黎,
真正再展升浪至出擊, 才能一擊即中

回應 (6)
我要發表
2008/11/21 14:24:13 回覆

SKY, 我會建議你如果再入, 就入返中煤AND 比亞迪, 因為巿好的話, 呢D股都應該會一齊升, 無必要再分散投資了, 如果你唔放心, 我建議你買外幣, 債券基金, 呢D至係真正既分散風險, 而非再投入股價巿場

JOANNA, 係丫, 中壽係好野黎, 耐心等下, 入唔到又無損失既, RIGHT?

 

2008/11/21 10:27:13 回覆

彩虹,多谢你~结果我 入左1898,中煤 (因为情意结)同 285 比亚迪(股神都入左),各入左两手~

我想问下你,我而家手頭得翻幾萬蚊﹐如果遲的買野﹐集中一兩隻,定分開買多幾只好啊﹖

2008/11/21 09:25:34 回覆

你睇好保險股, 是否你經常提及的2628呢??? 但許多人都建議$15樓下才好小注.  咁係咪耐心等待此時機入貨???

 

2008/11/21 09:24:25 回覆

sky, 咁你結果入左d咩野股?939受美銀減持既陰霾濃罩住, 暫時唔好入了, 至於中交建, 係美國汽車業前境未明前唔好入巿住比較好d

fx3600p, 要睇睇今日低開幾多先, 都係0個句, 汽車業前境未明前唔好入巿住比較好d

2008/11/21 08:17:07 回覆

Rainbow, 匯豐差不多到$70了,是否可入?有否改變.

2008/11/20 23:36:25 回覆

Rainbow,有你系到提醒我地﹐真系好~~

好彩今日既進取計劃(價錢)Set度低左﹐有部份入五度~都系不幸中之大幸~

我而家手頭得翻幾萬蚊﹐如果遲的買野﹐集中一兩隻﹐939﹐1800﹐定分開買多幾只好啊﹖

user