赤柱半日遊
2008/11/23 23:59:36 網誌分類: 未分類
的起心肝帶骰仔、米米出巡，目的地赤柱。骰仔第一次郊遊，非常老定，霸住車頭睇風景。
米米呢，又暈車浪。
在赤柱，遇到擺藝墟的朋友，寒暄一番。
骰仔做了人家的招財貓，幾型仔。
果然招來各方注意，骰仔好有大將風範，望實鏡頭，擺post。
米米呢......就沒那麼好心情。每次映相，都被搶鏡。
仲有，佢每次走出來，都被人指著大叫：「嘩肥貓呀大肥貓!」佢變咗W字嘴。
結果，扁晒嘴不停掙扎，要番入貓車裡面，還發了點小脾氣，打了骰仔一巴呢。
貓是比較怕尖叫聲的，假日的赤柱，可能對米米來說是太吵了，下次還是平日去好啦。
Joe,
唔洗咁擔心, 請教吓關小姐, 你睇佢一家十口都相安無事就知佢有辦法啦!
我哋大部分貓友都唔止一個貓, 不過最好就係領養, 可以幫吓D 流浪貓, 又可以減輕一D 拯救流浪貓嘅朋友嘅負擔, 好似之前關小姐照顧BBQ同小豆嗰兩個小朋友, 替牠們找到一個家, 大家都好開心, 你考慮吓啦 !
原來有貓唔飲水機呀?等我仲想買一部。
Joe,
話唔定一物治一物呢, 未有Miu Miu之前, 蕃薯仔當初都係蝦蝦霸霸(而家都係), 但係Miu Miu竟然可以打嬴舊肥嘢, 完全唔怕佢, 成日玩打交正一牛王妹, 又係唔嬴唔認輸嗰隻, 雖然係咁, 但係佢哋2個成個孖公仔咁, 日日都一齊訓覺~
cat cat,嘜口野水機都無用,貓豬試過唔郁係同一位置,咁又點會用丫!佢都有患過尿道炎﹐個次醫生教我用針筒餵佢,等佢飲多D水,都ok口架!( 雖然麻煩但有效)
蕃薯仔會咬人口架,貓豬都會的, 又係咬你一口野扮冇事行口左去,或是如:(笑佢﹑剪手腳甲﹑在佢面前口羅口羅梳梳等)有時還伸手打人!哈! 哈! 唔…蕃薯仔同貓豬真係有得揮.
cat cat, 原來佢哋會唔用架 ? 好彩你話我知, 咁我考慮吓先啦 ! 蕃薯 d 脾氣咁有趣嘅, 好似刁蠻小姐咁, 不過點都好啦, 佢帶俾我哋嘅歡樂係無價嘅, 珍惜你所擁有的!
Cat Cat ,因我無放長糧,佢唔食晚飯會怕他餓親,(肉尺嘛)貓豬唔係成日都咁曳,但偶以一次就搞到你麻煩(頭痛).琴晚佢就超乖,駛出嗲人口既絕招,我已無法招架了。
我都有想過幫佢搵番個伴,佢有伴後,會唔需要我嗎?貓豬在我們家是獨佔我的愛,小霸王會否接受這個伴,是我擔心(考慮)口既問題﹗
sinsinho, 你講嗰D水機, 我都有部, 佢哋都係唔用架, Garfield同嗡嗡係懶活動嘅貓, 我要用成日強迫佢飲水, 蕃薯仔同Miu Miu鍾意飲水喉水, 波子一定要每日換新鮮水比佢先飲, 佢見係隔夜就會坐喺水兜隔離喵喵, 喵到你換新水比佢為止, 水機一次要裝3L水, 點可能每日換3L新水呢, 所以最後部機擺埋咗, 我最近見到有部噴泉式水機, 又心思思想買, 但又驚佢哋唔用, 唉~好矛盾!!!!
蕃薯仔會唔聲唔聲行過你身邊咬你一吓, 然後斯斯然咁行開, 當冇事發生咁! 同佢玩又要比佢贏, 如果佢輸咗佢會咬返你當佢贏咗!!!
cat cat,
如果Garfield 成日尿道炎, 家中有否電動飲水機, 聽講貓貓會鍾意, 可以令牠們多飲水, 就可以預防尿道炎, 我都想買番部, 要四佰幾蚊, 早前妹妹 (已離世) 因病用左好多錢, 近日又帶其餘四個去做全身體檢 (驗血呀, 打針, 睇牙....)我可能要過年後才可以買 .
嘩 ! 蕃薯會咬人 ? 咁惡 ? 睇個樣唔似喎 !
乜咁啱既
, 我嗰日都有去啊, 去嗰陣時都有諗會唔會有人帶貓貓去呢, 可惜見唔到你哋, 嗰日既赤柱真係好熱鬧啊 
Joe, 你自己周身都唔得閒都要氹佢, 睇嚟你可能要幫佢搵番個伴分擔佢d精神, 不過我驚你到時輪到你悶, 因為貓豬有貓陪佢玩, 唔再需要你~
慧玲姐姐,昨晚我貓豬發脾氣,玩心情唔好,事原係食晚飯開始,佢晚飯食吞拿魚碎撈餅,點知平時食開D餅仔食哂,我諗住暫時用其它撈比佢食先,佢聞到D味道唔同左,一邊食一邊吐番D餅出來,發覺唔對路仲走埋添,之後佢還大叫幾聲,向我投訴.隔左一陣佢睇完街後,當無事口甘想跟我玩,但家務各樣等還未做,點陪佢玩呢,佢等我好耐,我都未做完口野,就發脾氣璃埋左,我做完口野後開左濕糧比佢食想乙水番佢,點知佢食完又璃埋,再出蝦,終於出來啦,好唔容易先肯座低,之後陪佢玩左成晚才好番D,我身心疲倦了,唉﹗
但係佢乖口個時,嗲你陪伴你的窩心,莫大於一切呢﹗
想問你家還有人照顧各位貓爺嗎?and會否突然搞D令你麻煩(頭痛) 的事嗎? 我好羨慕米米他們能夠相處容洽呢!
丫﹗原來米米只得兩歲幾,口吾知佢BB口既時候個樣係點,好奇想知,靚仔嗎?(有相睇否)
sinsinho, 因為Miu Miu曾經比前主人遺棄過一次, 我諗佢係驚又比人遺棄先咁跟人姐~
蕃薯仔只會攞嘢食先會叫, 有時如果比遲一陣佢都會咬人, 超霸道!
Garfield仔自從同波波(己過身)結婚生仔(波子&嗡嗡)之後, 生活非常安逸, 一家大細就成日訓覺, 有時訓到唔去飲水食嘢去廁所, Garfield仔成日尿道炎, 攪到成日要同佢睇醫生, 而家要週不時整醒佢叫佢食嘢飲水去廁所, 雖然係咁, 佢哋3個唔算係肥貓, 重好FIT添~
阿寶未好番咩?!點算?!!!
關小姐,
好想知阿寶食藥後有冇好轉 ? 食番嘢未 ? 好擔心 !!
cat cat,
原來Miu Miu 咁寃氣, 又難怪妳咁錫佢, 賴尿都要帶佢出街, 正如關小姐說人貓合一境界, 不過貓常常叫就比較少, 我 D 貓通常有要求和出街先會嘈, 平時都好靜, 係呢, Garfield同蕃薯有冇咁嘈 ?
老實講, 見到佢哋開心健康, 所有嘅缺點都變成可愛!
joe,
米米只得兩歲幾，但骨架非常大，亦重重地，那天我抱完佢腰骨都痛呢。不過佢不算好肥，只係減少少食量就得，但我家多貓，有時都好難制止佢食其他貓嘅食物。
搞貓聚會?哈，未認真想過，度度先。
sinsinho, 我明白你嘅心情, 佢哋好鍾意小事化大, 沖涼又係咁, 叫到擋豬咁, 每次沖涼都驚比人投訴我虐待佢哋, 越叫佢哋唔好嘈就越叫得大聲, 激死~
Miu Miu成日都當自己係bb架喎, 好似半夜有時突然大叫, 叫到好似bb仔喊咁, 最初都比佢嚇死, 以為係.....後嚟原來佢係扭要同我訓覺, 仲要訓肚腩先聲, 平時又跟出跟入, 我沖涼又要跟住入, 冇得入又叫, 我去街夜咗返又企喺門口叫, 唉~左鄰右里都好容忍我喇, 有隻成日叫嘅貓, 仲嘈過d狗, 所以每次佢叫都要應番佢, 如果唔係有排叫~
我同Miu Miu出街真係要帶呢d嘢出街架, 組過以往經驗, 隔尿墊下次開始就要帶喇~
慧玲姐姐,之前多數見米米單獨相,無想過佢真實有幾大隻,今次在赤柱半日遊內的相片中,你抱著米米的合照,我真的想像到佢口既size,但係我都同意TYSum口既話,其實米米係骨架大,我都唔覺得佢肥丫, D人做嘜笑佢口者,而且假日又較噪,佢發小脾氣都正常的.and sinsinho 都提議你搞個聚會,(可以比我口地見口下各位貓爺真身),而大家又可以攜 "貓" 出席的, 貓和貓友又可交流一口下呢! plan口下啦,我舉腳讚成兼報名.哈!哈!
cat cat,
唔好意思, 又搞錯, 原來其他成員只係嘈, 唔係賴尿, 可以話各有千秋, 好似我個大仔, 一入到袋就叫到返屋企, 真係出去耐D聲都 "沙" 埋 ! 唔知以為我拐帶 !!
下次帶Miu Miu 出去記得帶隔尿墊, 濕紙巾, 紙巾..., 好似湊仔咁 !!
關小姐,
有條貓繩只係為安全計啫, 又不是在家中也用貓繩, 萬一在街上有突發事都唔怕佢哋因為受驚走失, 因為幾大膽嘅貓都可能被大聲甚至太嘈被嚇倒而亂跑 , 到時走失就麻煩了 , 我覺得妳做得好好!!!
日前有一則新聞, 主人的家人們因忘記關窗導致貓兒墮街跌死, 心裡很難受, 負責任的主人一定要確保小動物安全, 一次意外, 已足以致命!
你真係好..帶的貓四圍玩,,我就有難度啦.
ty,
我都同意，用帶係帶佢哋出街的權宜之計，因為貓貓始終不是狗仔，遇上突發情況，佢哋只識走，唔識番轉頭搵我呢。
sinsinho, 得Miu Miu一個癩尿姐, 蕃薯仔雖然佢唔會癩尿唔會亂叫, 但實在就太重喇,所以都唔會帶佢去街, 有車先帶喇, 其餘嗰3隻一出街就亂叫, 叫足全程都唔停架, 所以唯一可以帶只有Miu Miu, 佢太得意喇, 癩尿都得意過人~
我見到骰仔比您用條帶綁住，我唔可以咁樣做，因為我認為貓係好優美的動物，高傲, 我行我素, 我唔可以綁住佢地攪到佢地冇晒氣質 (我知仔仔同陶陶都唔鍾意). 何況佢地唔習慣出街, 好容易受驚, 所以不出為妙.
其實, 米米係真肥定骨架大? 我唔覺佢肥, 係咪比人誤會左?
TY
cat cat,
Miu Miu可能真係好唔鍾意出街喎, 聽講妳其他貓都係一出街就賴尿, 好似佢地識用貓話溝通對付妳喎, 一出街就齊齊賴尿抗議, 等妳唔可以同佢哋出去, 又或者咁諗, 妳屋企太舒適, 個個都唔願出去!
關小姐, 好彩佢d尿唔係太臭, 如果唔係實比人白鴿眼~
女仔人家成日癩尿, 都唔知醜, 佢癩完尿個樣好似話比我聽--報復成功!!
不過我係唔會放棄嘅, 我都會帶佢出街, 至多帶埋防水紙比佢~
catcat,
出街賴尿的傻貓!!!!
你一定十分狼狽了啦。
立冬，嘻嘻，甜晒。今晚等我又煲來飲。究竟甚麼人有幸飲到你的湯水呢?
sinsinho,
沒錯，基本貓不愛拋頭露面，肯出街還肯主人walk的是異數，所以我要逐隻評估，試驗，十四隻貓中，襪仔、coffee、米米和骰仔都較大膽不怕人，其他的貓就只可以在家睇風景啦。
如果佢哋唔享受外出，就無謂搞了。
骰仔好似幾鍾意去街喎, 米米就麻麻啦 !扁咀鴨咁, 係喎, 點解米米D毛係車裡面都咁亂嘅 ? 妳冇關窗咩 ?可否告知我貓暈車浪會點 ? 我未見過 , 我每次帶佢哋出街都出盡九牛二虎之力才能捉入袋, 再用九秒九跑去獸醫處, 不管搭的士或其他交通工具, 都要快 !!!同佢哋去街玩, 簡直係天方夜譚 !!!我好羨慕妳可以同佢哋四處去.
關小姐, 如果妳可以搞個聚會比我哋見到各位貓爺真身就好啦 ! 當然大家可以攜 "貓 " 出席就更加熱鬧囉 ! 考慮吓啦 ! 我相信會好多人響應 !!
噚日的確係一個好天氣, 我本來都想帶MiuMiu出去, 但屋企人話佢可能又癩尿,所以最後都冇去到~
ha~ha~, 肥貓赤柱落難記~
我隻儍貓不喜歡出街街！
天氣涼, 最適宜外出啦~
米米係肥, 但肥貓受歡迎一D啵!
趁骰仔仲細個, 帶佢多D出街, 等佢習慣下, 咁第日就可以睇到多D骰仔既遊記!