貓私語——不愛腥的貓
2008/11/28 00:00:00 網誌分類: 寫作 28 Nov
因為阿寶病了，讓牠多吃了貓罐頭，連帶其他貓亦受惠，齊齊開餐。不過在各貓大爺都為美味瘋狂時，阿Kidd卻完全不為美食所動。牠只走近貓兜嗅了嗅，前爪在地下撥兩撥，就走開了，米米乘時趕上，把牠的一份大口吃掉。 雖然乾糧對貓的牙齒較好，但貓貓對又腥又濕的魚肉始終更開胃，只要聽到易拉蓋拉開的聲音，多睏也會即時飛奔過來，而罐頭中，最腥的沙甸魚最合脾胃，旁觀的主人見牠們吃得快樂，心情也愉快起來。 只有阿Kidd坐在一旁，冷靜地注視着貓搶食的眾生相，他吃慣了乾糧，還要是某一隻牌子的某一品種，死也不肯試新東西，就如一個頑固的老人家，一定要有米落肚，才叫吃過飯一樣；不吃魚的貓，還真是第一次見呢。 關慧玲 
唉...我家有2隻大帝都係唔鐘意食罐罐的,連鮮雞柳都唔鐘意食呀,死頑固,最怕佢第日有病時唔知比佢食咩好呀...
我家喵喵又係咁...因為其中一隻喵喵無牙, 所以長食罐頭,
偶然諗住獎勵o下其他喵喵, 搵一餐都開罐頭俾佢o地,
點知有兩隻喵喵LAM幾o下就走o左...真係古怪喔~
關小姐,
嘩 ! 唔係啩 ? 噴到一面都係 ?!! 診所有冇將妳列入黑名單 ?傳左開去, 妳班 "關家貓" 下一年打針就麻煩啦 !
上次帶佢哋去驗血同打針, 佢哋好驚, 又惡, 都要打左鎮定劑才做到, 醫生話咁樣可以慢慢檢查同唔會嚇親佢哋, 不過小米就有小小副作用, 好似暈暈哋, 同隻眼大細超, 其他就冇事.
sinsinho，
無錯，miumiu就打不到針還噴到獸醫助手一面都係....的惡爺，最後打到針，但助手就.....無眼睇。
我記得阿 kidd , 因為妳在專欄內提及過領養他的故事, 想起與妳爭阿kidd的那位太太, 實在搞笑 !
Miumiu 是否上次唔肯打針重搞到 "臭氣沖天"嗰個? 最後有冇去打番 ? 我大仔都成日鬧小米, 大仔變成飛機耳勁鬧, 小米就縮埋一舊, 幾英呀 ! 但我都唔知佢哋講甚麼 ?其實大仔平日係最好脾氣, 最嗲, 但又最冇膽, 一見陌生人, 瞳孔放大, 又怪叫, 驚到好似世界末日咁 ! 有時嚇到連我都唔認得 ! 妳話死唔死 !
我以前養的貓都只食乾糧唔肯食濕糧
sinsinho,
對呀，阿kidd是黑白色的貓，好似穿了套踼死兔般有型，佢只係對miumiu好，個個埋身都唔得，小襪想逗牠一起玩都俾佢鬧呀。
關小姐, 阿kidd係咪黑白貓? 佢嗰樣好似我寶寶, 好Gentleman, 唔搶食, 就算好肚餓都唔會爭, 之前我以為佢淨係讓妹妹, 原來妹妹過身後, 其他同伴食嘢佢都讓, 坐在一邊等, 等佢哋食完才食, 如果唔好彩佢哋食晒 D 嘢, 寶寶會坐著等, 望住我, 等我再比佢食, 佢真係好乖, 有時見佢瞓喺妹妹走之前個籠裡面, 若有所思, 可能佢好似我一樣咁掛住妹妹 !
ha~跟我家嗡嗡一樣, 無餅不歡, 零食都要乾身的~